Мальцев Николай Васильевич
| Мальцев Николай Васильевич | |
| Чужан лун: |
1932-ӧд вося косму тӧлысь 29-ӧд лун (92 арӧс) |
|---|---|
| Чужанін: | |
| Канму: | |
| Мыйся уджыс: | |
Мальцев Николай Васильевич (1932) — коми гижысь, серпасалысь, велӧдысь.
Олан туй вежны
- 1932, косму тӧлысь 29 лун — Чужис Сыктыв районса Волся сиктын.
- 1951 — Помаліс Сыктывкарса педучилишӧысь школаса юкӧн.
- Уджаліс роч кыв велӧдысьӧн Волсяса сизим класса школаын, сэсся веськӧдліс Велпом грездса начальнӧй школаӧн.
- Княжпогостса техническӧй училишӧын «слесарь-механик по ремонту автомобилей, тракторов и лесозаготовительных машин» специальность босьтӧм бӧрын мӧдӧдісны Кулӧмдін районысь Немдінса шӧр школаӧ. Сиктас оліс 40 сайӧ во. Уджаліс производствоӧ велӧдӧм серти завучӧн, уджӧ велӧдӧмысь, черчениеысь да серпасалӧмысь велӧдысьӧн.
- 1951 — Уджысь орӧдчытӧг помаліс Коми канмуса педагогика институтысь филология факультет.
- 1998 — Олӧ Сыктывкарын.
Серпасалысь вежны
Челядь дырсянь нин серпасасьӧ. Гижӧ пейзажъяс, кодъяс йитчӧмаӧсь архитектуракӧд, вичкокӧд, портретъяс да натюрмортъяс. 1990-ӧд воясӧ кутчысис иконописьӧ. 1994 воын гижис Немдінса Троича вичкоын вит яруса иконостас. Челядьыслы лӧсьӧдіс аслыспӧлӧс альбомъяс. Немдінын керкасӧ да Сыктывкарын квартирасӧ мичмӧдӧны авторлӧн серпасалӧмъясыс.
Н.В. Мальцев мыччӧдліс серпасъяссӧ Кулӧмдінын, Немдінын, Югыдъягын, Сыктывкарын. Сылысь вит удж ньӧбис «Коми Республикаса йӧзкостса творчестволӧн зарни фонд». Авторлӧн корӧм серти, «Зарни фондысь» некымын серпас сетӧма Сыктыв районса история да культура музейӧ (Визин сикт). Серпасъясыс эмӧсь Сыктывдін районса история да культура музейын (Выльгорт сикт), йӧз дорын.
Гижан удж вежны
Небӧгъяс вежны
- Енкай: повесьтъяс, висьтъяс / Ред. Е.В. Козлов; серпасалiс Н. Мальцев. — Сыктывкар: «Кола», 2012. – 256 л.б.