Палаззя (Сыктыв район)

Палаззя (рочӧн Палауз) – Коми республикаын Сыктыв районысь Палаззя сикт овмӧдчӧминса шӧрсикт.

Палаззя Палауз
Му:	Рочму
Статус:	сикт
республика:	Коми республика
район:	Сыктыв район
Медводдза казьтыштӧм:	1608 во
Официал кыв	коми, роч
Олысьяс	195 морт (2007)
Час кытш:	UTC+3+3
Телефон код:	+7 8 2131
Пошта индӧс:	168128
Автомобиль код:	11, 111

География

Сикт пукалӧ Сыктыв юлӧн шуйга берегын. Палаззясянь Визин юрсиктӧдз 51 км, Сыктывкар юркарӧдз 135 км.

История

• Овмӧдчанін артмис 1586 во бӧрын.
• 1608 — Медводдзаысь казьтыштӧма Дозорнӧй небӧгын: «Починок Палауз стал ново на лесу после Ивана Огарева» (И.Огарев нуӧдіс 1586 вося Гижалӧм). Тані вӧлі 4 овмӧс, овъяссӧ абу индӧма. Сы вӧсна мый Палауз вӧлі пырӧ Поёл вӧлӧсьтӧ, вермас лоны, мый татчӧ овмӧдчисны Поёл вӧлӧсьтса олысьяс.
• 1646 — Палаззяын вӧлі 22 овмӧс. Нӧшта 3 керка овтӧм: олысьясыс кувсисны гӧль 1630-1640-ӧд воясӧ либӧ пышйисны няня муясӧ, Вяткаӧ. Мукӧд воас палаззясаяс мунісны эз ас окота серти. Шуам, ӧтиӧс босьтісны «к Москве» стрелеч войскоӧ. Олысьяс лыдын пасйӧма «Анашка Мокеев сын, прозвище Богдашко». Сылӧн челядьыс вӧлі гижӧма Богданов ов улын нин: «Левка Ананьин сын Богданов».
• 1678 — Палаззя лои погостӧн, тані 36 овмӧс, кыпӧдӧма «Владимерские пресвятые Богородицы» пу вичко.
• XVIII нэм пансигӧн Палаззя лои торъя вӧлӧсьтӧн.
• XIX нэм помын сиктын вӧлі 13 овмӧс, 88 морт, земскӧй пошта станция.
• 1850—1875 — Ф.А. Тентюкова серти, вӧлі кыпӧдӧма кирпичысь вичко.
• 1860-ӧд воясӧ — воссис вичкобердса школа. Мукӧдлаын гижӧма — 1884—1885 воясӧ.
• 1904 — воссис библиотека, 1912 — земскӧй училишӧ.
• 1916 — Палаззя вӧлӧсьтӧ вӧлі пырӧны: Палаззя сикт да грездъяс: «Подгорье», «Кичдьяшорская», «Ярковская», «Вознесенская», «Большая», «Верхний конец». Наын вӧлі 13 овмӧс, 981 морт.
• 1930 — Палаззяын вӧліны: фельдшерско-акушерскӧй пункт, школа, изба-читальня, паракод сувтанін, потребительяслӧн котыр, милиия участок, кресьтяналы общественнӧй отсӧг сетан комитет. Сиктсӧвет вӧліс Ыджыдгрездын («Большая»).
• 1970 — Палаззяын оліс 268 морт, а став сикт сӧветас — 496; 1979 — 252 да 423 морт; 1989 — 204 да 324 морт, комияс; 1992 — 227 да 342 морт; 2000 — 220 да 310 морт.

Медводдза овъяс

• 1646 — Богданов
• XVII нэм — Истомин, Шишкин, Кузнецов, Попов, Дулин, Кучин, Буторин, Завьялов, Парфеёнов, Понежкин, Пешкин.

Тӧдчана йӧз

• Подоров Иван Гаврилович (1906—1942) — коми гижысь

Ӧшмӧсъяс

• Атлас Республики Коми. – Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. – Сыктывкар, 2004.
• Республика Коми: Административно-территориальное деление на 1 августа 1992 г. Издание пятое. – Сыктывкар, 1992. – 175 с.
• Республика Коми: Энциклопедия. – Сыктывкар, 1997-2000. – Т. 1-3.