«Юрган» радио

«Юрган» радио – Коми Республикаса телеканал (КРТК) тэчасын коми да роч кывъя радио. Радиоса медшӧр редактор – Хозяинова Елена Александровна. Войдӧр нимыс вӧлі Коми йӧзкостса радио.

История

«Юрган» радио петӧ эфирӧ 2007ʼ вӧльгым 5ʼ лунсянь. Сійӧс позис кывзыны Коми Республика пасьтала радиовезса коймӧд канал пыр. Медводз Коми йӧзкостса радио уджаліс 3 часӧн быд весьлун. Сэсся кутіс кывны быд лун 6 (вежон помӧ – 8) час асывсянь 8 час рытӧдз коставлӧмӧн, роч кывъя «Радио миркӧд» кадсӧ юкигмоз. Коми лэдзӧсъяс вӧліны 5-15 минут ыдждаӧсь.

2008ʼ апрель 17ʼ лунсянь лои позянлун кывзыны Коми йӧзкостса радиотӧ му югыд пасьтала ӧтуввезйысь КРТК сайтысь ыстӧд пыр. Неуна сёрӧнджык КЙР-сӧ орӧдісны провод эфирысь, но ӧтуввезйӧ сійӧ коли. Кутісны петны тшӧтш роч кывъя передачаяс. 2013ʼ арсянь "Европа+" каналын Коми йӧзкостса радио кутіс лэдзны "Выль юӧръяс" комиӧн да рочӧн.

Ӧтуввезйын

Ӧні Коми йӧзкостса радиосӧ позьӧ кывзыны интернетысь тайӧ сайтысь. Сэні жӧ важджык петасъясӧн аудио файлъясыс. Выльторъяссӧ лэдзӧны тшӧтш мукӧд каналъяс пыр.

Слоган

Коми йӧзкостса радиолӧн кык слоган:

• Коми йӧзлы - коми радио
• Коми йӧзкостса радио - медся варов радио

Уджтас

Уджтасын медсясӧ коми сьыланкывъяс. Сёрниа петасъяс дженьыдикӧсь, найӧс лэдзӧны татшӧм кадӧ:

Республикаса выль юӧръяс - вл-пк: 12.00, 15.00, 19.00, сб, вж: 8.00

Торъя темаа коми лэдзӧсъяс:

1. Ёрта сёрни - шр: 16.06 (ӧтчыд кык вежонӧ)
2. Кодзула туй - быд лун: 17.21
3. Комиын асыв (асъя шоу) - вл-пк: 8.00
4. Кӧсъя тӧдны - вл-пк: 10.00
5. Ме коми - вл: 14.30
6. Оланпас да ми - чт: 15.30 (ӧтчыд кык вежонӧ)
7. Поводдя йылысь - быд лун: 17:20
8. Рӧдвуж ордын - сб, вж: 10.00
9. Рулла тэ рулла - пк: 19.30
10. Чолӧм, радио! - вл, шр, пк: 13.00
11. Шуда поз - чт: 18.00

Уджалысьяс

Коми йӧзкостса радиоын ӧні уджалӧны:

• Зубов Илья Викторович - директор, дасьтӧ роч «Выль юӧръяс».
• Малькова Светлана Валентиновна - штатӧ индытӧм корреспондент. Дасьӧ да нуӧдӧ "Комиын асыв" уджтас.
• Мингалёва Мария Александровна - корреспондент.
• Уляшева Мария Михайловна - корреспондент. лӧсьӧдӧ да лыддьӧ «Выль юӧръяс», дасьтӧ да нуӧдӧ "Чолӧм, радио" уджтас.
• Хозяинова Елена Александровна - медшӧр редактор

Войдӧр уджалісны:

• Лобанова Евгения Михайловна - корреспондент, лӧсьӧдӧ да лыддьӧ «Выль юӧръяс», дасьтӧ да нуӧдӧ петасъяс: «Ёрта сёрни», «Оланпас да ми».
• Хатанзейская Татьяна Николаевна - штатӧ индытӧм корреспондент, дасьтӧ да нуӧдӧ петасъяс: «Ме - коми», «Шуда поз», «Кӧсъя тӧдны».
• Удалова Евгения Юрьевна - штатӧ индытӧм корреспондент. Дасьтӧ да нуӧдӧ "Рулла тэ рулла" уджтас.
• Гарнов Артур - корреспондент
• Палева Надежда - корреспондент
• Пименова Виктория Вячеславовна - медшӧр редактор
• Тимушева Алина Алексеевна - медшӧр редактор
• Шомысова Анна Александровна - корреспондент.

Ыстӧдъяс

• Коми народное радио

• Ю. Попов. Коми народное радио вышло в онлайн

• Ю. Попов. Коми народное радио увеличило объём вещания

• Установка плеера радио на свой сайт