Айму водзын бур уджысь (орденлӧн медаль)

«Айму водзын бур уджысь» орденлӧн медаль (рочӧн: Медаль ордена «За заслуги перед Отечеством») — Рочмуын канмуса награда. Лӧсьӧдӧма 1994 вося рака тӧлысь 2 лунӧ Россияса Президентлӧн 442 №-а Шуӧмӧн. Россияса Президентлӧн 554 №-а Шуӧмӧн дасьтӧма медаль йылысь Положениелӧн выль редакция (1995 вося лӧддза-номъя тӧлысь 1 лунӧ).

«Айму водзын бур уджысь» орденлӧн I тшупӧда медаль
«Айму водзын бур уджысь» орденлӧн II тшупӧда медаль

Мыйысь сетӧны медальПравить

«Айму водзын бур уджысь» орденлысь медаль сетӧны:

  • страналы колана да тӧдчана удж вӧчӧмысь промышленносьтын да видз-му овмӧсын, керкаяс кыпӧдӧмын да транспортын, наукаын да велӧдӧмын, дзоньвидзалун юкӧнын да культураын, мукӧд уджалан юкӧнын;
  • ыджыд пай пуктӧмысь Айму дорйӧмӧ, боевӧй дасьлун вылын кутӧмысь, военнӧй служба дырйи бура петкӧдчӧмысь; оланпас да пӧрадок ёнмӧдӧмысь, канму безопасносьт видзӧмысь.

Медаль тшупӧдъясПравить

Медальлӧн эм кык тшупӧд:

  • «Айму водзын бур уджысь» орденлӧн I тшупӧда медаль;
  • «Айму водзын бур уджысь» орденлӧн II тшупӧда медаль.

Ыджыдджыкӧн лоӧ медводдза тшупӧда медаль, коді сетӧ позянлун бура уджалӧмысь босьтны «Айму водзын бур уджысь» IV тшупӧда орден. Медводз сетӧны II тшупӧда медаль, а сэсся I тшупӧда медаль.

Военнӧслужашӧйяслы тышъясын повтӧмлун петкӧдлӧмысь сетӧны орделысь медаль, кӧні серпасалӧма меч.

Медаль новланногПравить

Медаль новлӧны шуйга морӧсын орденъяс бӧрын. Эм кӧ I тшупӧда медаль II тшупӧда медаль оз новлыны (новлӧны, медаль кӧ мечӧн).

Медаль серпасалӧмПравить

Медаль серпасаліс Санкт-Петербургса монетнӧй дворысь медшӧр серпасалысь, Россияса нимйӧза серпасалысь А.В. Бакланов.

«Айму водзын бур уджысь» орденлӧн медаль вӧчӧма эзысьысь, гӧгрӧс, диаметрыс 32 мм, кыкнанлабоксяньыс эм бортик. Водзладорас серпасалӧма «Айму водзын бур уджысь» орденлысь пас. Бӧрладорас кытшӧн гижӧма девиз: «Польза, честь и слава». Шӧрас — медаль лӧсьӧдан во — 1994. Уліас — лавровӧй увъяс серпасалӧм да медаль номер. I-дза тшупӧда медаль зарниӧдӧма.

«Айму водзын бур уджысь» орденлӧн медаль «Айму водзын бур уджысь» орденлӧн I тшупӧда медаль мечьясӧн
I тшупӧда II тшупӧда I тшупӧда II тшупӧда
       
       

МукӧдторПравить

Биатлонистка Ольга Зайцевалы вӧлі кыкысь сетӧма «Айму водзын бур уджысь» орденлӧн II тшупӧда медаль:

ЫстӧдъясПравить

  1. Россияса Президентлӧн 43 №-а приказ (рочӧн)
  2. Россияса Президентлӧн 204 №-а приказ (рочӧн)