Баталов Валериан Яковлевич

Баталов Валериан Яковлевич (1926—1998) — перым коми гижысь.

Олан туй

Валериан Баталов чужӧма 1926 вося сора тӧлысь 17-ӧд лунӧ Перым-Коми национальнӧй кытшын Юсьва районса Шаламов грездын. Батьыс — Яков Егорович, лесничӧй; мамыс — Прасковья Егоровна. Медводдза кык классӧ велӧдчӧма Иньвайывса школаын, коймӧд да нёльӧдсӧ — Кудымкарса 1-ӧд №-а шӧр школын (национальнӧй). 1940 воын помалӧма Архангельскса сизим класса школа. 1937 воын сылысь батьсӧ репрессируйтӧмаӧсь. Мамыс ыстӧма велӧдчыны 8-ӧд классӧ Юсьваса шӧр школа, но оланін абутӧмла эновтӧма велӧдчӧмсьыс да заводитӧма уджавны Кубенёвса колкозын.

Айму вӧсна Ыджыд тыш кадӧ ичӧт рост вӧснаыс (150 см нормаӧдз абу тырмӧма 1 см) Юсьва районысь военкоматса комиссия некымынысь Валерианлы шулӧма, мый воинскӧй служба кежлӧ абу дась. Но 1943 вося вӧльгым тӧлысь 17-ӧд лунӧ военком босьтӧма армияӧ: «Пусть идёт, всё равно на мясо…».

1943 воын В. Баталов веськалӧма 49-ӧд стрелковӧй полкӧ – вӧлӧма стрелокӧн, автоматчикӧн, пулемётчикӧн, миномётчикӧн да артиллеристӧн. Службасӧ помалӧма Румынияын. Армияса газетын рисуйтчӧма, гижӧма.

1950 воын армияысь воӧм бӧрын овмӧдчӧма Кудымкарӧ, сы вӧсна мый гортас сійӧс некод нин абу виччысьӧма: мамыс кувлӧма 1949-ӧд вося йирым тӧлысьӧ; Геннадий ыджыдджык вокыс усьӧма тышкасигас 1944-ӧд вося лӧддза-номъя тӧлысьын; бытьыс кулӧма 1943-ӧд вося ода-кора тӧлысьын Кемеров обласьтса лагерын (Боталов Яков Егоровичӧс реабилитируйтӧма 1957 вося вӧльгым тӧлысьын).

1950-ӧд вося косму тӧлысьсянь 1952-ӧд вося кӧч тӧлысьӧдз В. Баталов уджалӧма Перым-Коми кытшса связь контораын плановик-экономистӧн. 1953 воын помалӧма 10 класс 1-ӧд №-а Кудымкарса шӧр школаын да босьтӧма гижан уджӧ.

1954—1960 воясӧ уджысь орӧдчытӧг велӧдчӧма А.М. Горький нима литературнӧй институтын. 1953 восянь В.Я. Баталов литсотрудникалӧма Перым-Коми кытшса «По ленинскому пути» газетын, корреспонденталӧма Перым обласьтса радиовещание да телевидение комитетлӧн редакцияын.

1972—1984 воясын В.Я. Баталов веськӧдлӧма Перым небӧг лэдзанінлӧн Перым-Коми юкӧнӧн.

Кулӧма 1998 вося вӧльгым тӧлысь 26-ӧд лунӧ.

Гижан удж

Йӧзӧдчыны кутӧма 1951 восянь, кор петӧма «Рейсын» медводдза висьтыс. Гижӧд йӧзӧдӧм бӧрын пыр сійӧс казялӧмаӧсь. Сэк кадӧ сылӧн абу на вӧлӧма тырвыйӧ образованньӧ, но прозаа опытыс сэтшӧм бура вӧлі лӧсьӧдӧма, мый перымса гижысьяс Виктор Петрович Астафьев да Людмила Георгиевна Молчанова вуджӧдӧмаӧсь висьтсӧ роч кыв вылӧ да йӧзӧдӧмаӧсь «Закон трудных дорог» ним улын «Прикамье» альманахын.

Литературнӧй институтын велӧдчигӧн сӧвмӧма татшӧм гижысьяскӧд йитӧд кутӧм бӧрын, кыдзи К. Чуковский, В. Иванов, М. Шагинян, В. Астафьев, Р. Гамзатов, К. Рождественский и мукӧд. Паныдасьлӧм йывсьыс дасьтӧма некымын очерк, кӧні пасйӧма гижны босьтчӧм йывсьыс.

1959 воын дасьтӧма «Сьӧкыт пондӧтчӧм» медводдза сборник.

Медбур гижӧдъяс лыдын — «Шапка-пожум» повесьт («Растёт за селом сосна» вуджӧдӧмӧн). Тайӧ повесьтын чиган зонка йылысь, кодӧс мамыс воштӧма. Сійӧс быдтӧ том велӧдысь Варя. Та вылӧ оз ӧдкодя видзӧдны бать-мамыс, сиктсаясыс да радейтана мортыс…

1964-ӧд восянь пырӧ СССР-са гижысь котырӧ. В. Баталовлысь гижӧдъяссӧ вуджӧдӧма роч, коми да маддяр кывъяс вылӧ. Кудымкарын, Перымын, Сыктывкарын, Москваын петӧма кызь сайӧ небӧг: «Край мой милый» лирикаа миниатюраяс, «Шапка-пожум», «Растёт за селом сосна» да «Антипка дарит журавлиное яйцо» повесьтъяс, «Тулысся петассэз» историческӧй роман да мукӧд.

В.Я. Баталов гижӧма сідзсӧ челядьлы. «Нехоженной тропой» да «Антипка дарит журавлиное яйцо» повесьтъяс тӧдмӧдӧны том лыддьысьысьӧс вӧр-ваӧн, пармаса олӧмӧн. Челядьлы медводдза повесьтъяс да висьтъяс вӧлі йӧзӧдӧма 1959 воын «Сьӧкыт пондӧтчӧм» небӧгын: «Иньва дорын», «Кайпоззэз», «Дед Ефим да сылӧн внучеккез», «Бӧбӧтчана приметаэз», «Учотик спиннингист». 1990 воын петӧ челядьлы бӧрйӧм повесьтъяс, висьтъяс да мойдъяса «Зэр одзын» небӧг.

Валериан Баталовлӧн медшӧр гижӧдыс «Тулысся петассэз» историческӧй роман. «Весенние всходы» ним улын роч кывйӧн йӧзӧдӧма 1972 воын «Детская литература» небӧг лэдзанінын. Романын петкӧдлӧма перым-коми грездса олӧм XIX нэм помсянь 1930-ӧд воӧдз. Лоӧмторъясыс мунӧны Лунегов семьялӧн куим кӧлена пыр. Романлӧн сюрӧсыс тэчӧма збыль лоӧмтор подулын. Важъя кадӧ Налимашор грездысь Тимоха зон, кодлы усьӧма пуд служитны, пышйӧ пармаӧ. Сійӧ овмӧдчӧ ю бокӧ, сы дорӧ локтӧны мукӧдыс. Юыс да грездыс кутӧма шусьыны сы ним серти — Тимшор. Романыс кык юкӧна: «Шатун» юкӧнын висьталӧма мортлӧн вӧр-вакӧд венласьӧм йылысь; «Югдiкӧ» юкӧнын петкӧдлӧма перымса комилӧн аскылӧм садьмӧмсӧ, Тимоха лоӧ Тимофей Федотович Лунеговӧн. Романӧ пыртӧма кресьттяна олӧмысь збыльторъяс, коми сёрни, важъя сьыланкывъяс, обычаяс и с.в.

1975 воын Венгрияын петӧма «Восточная финно-угорская литературная хрестоматия», кытчӧ пыртӧма В.Я. Баталовлысь куим висьт да романсьыс юкӧн.

1965 воын В.Я. Баталовӧс бӧрйылӧмаӧсь РСФСР-са гижысьяслӧн II съезд вылӧ; ветлӧма Коми АССР-са гижысьяслӧн II, V да VIII съездъяс вылӧ.

Перым-коми литератураӧ ыджыд пай пуктӧмысь Валериан Баталовлы 1986 воын сетӧма РСФСР-са гижысь котырлысь Почёта грамота, а 1996 воын – «Россияса культураын нимӧдана уджалысь» ним.

Небӧгъяс

Антипка дарит журавлиное яйцо: Повесть. — М.: Дет. лит., 1966. — 78 с.
Асывся шыэз: Рассказзэз. — Кудымкар: Пермское кн. изд-во, коми-перм. отделение, 1967. — 79 с.
Берёзки. Журавли: Рассказы // По ленинскому пути. 1982. 2 апр.
Весенние всходы: Роман. — Пермь: кн. изд-во, 1985. — 279 с.
Весенние всходы: Роман. — Кудымкар: Коми-Перм. кн. изд-во, 2001. — 286 с.
Весенние всходы: (Отрывки из романа) // Литература родной Пармы: хрестоматия для общеобразоват. Учреждений Пермского края, 8-9 кл. / автор-сост. Н.А. Мальцева. — Кудымкар, 2009. — С. 212—247.
Зэр одзын: Избранные повести, рассказы и сказки для детей. — Кудымкар: Пермское кн. изд-во, коми-перм. отделение, 1990. — 206 с.
Край мой милый / пер. с коми-перм. В. Муравьёва. — Пермь: Кн. изд-во, 1967. — 63 с.
Лес улыбается: Роман, повести, рассказы. — Кудымкар: Пермское кн. изд-во, коми-перм. отделение, 1986. — 576 с.
Миниатюры // Парма. 1994. — № 133. — С. 3.
Мичашорын: Повесть и короткие рассказы. — Кудымкар: Пермское кн. изд-во, коми-перм. отделение, 1966. — 76 с.
Незабываемые встречи // Литература родной Пармы: хрестоматия для общеобразоват. Учреждений Пермского края, 8-9 кл. / автор-сост. Н.А. Мальцева. — Кудымкар, 2009. — С. 58—64.
Нехоженой тропой: Повесть. — М.: Детгиз, 1962. — 78 с.
Нехоженой тропой: Повесть. — Сыктывкар: Кн. изд-во, 1974. — 69 с.
Перед дождём. Избр. повести, рассказы и сказки для детей. — Кудымкар: Пермское кн. изд-во, коми-перм. отделение, 1990. — 206 с.
Пыд вӧрын: Повесть и рассказы. — Кудымкар: Пермское кн. изд-во, коми-перм. отделение, 1972. — 92 с.
Рассказы // Пармаын югыт: антология коми-перм. прозы. — Кудымкар: Пермское кн. изд-во, коми-перм. отделение, 1985. — С. 109—167.
Расокын: Рассказы. — Кудымкар: Комипермгиз, 1962. — 31 с.
Растёт за селом сосна…: Повесть / Пер. с коми-перм. В. Муравьёва. — М.: Сов. Россия, 1966. — 72 с.
Сьӧкыт пондӧтчӧм: Рассказы и очерки. — Кудымкар: Пермское кн. изд-во, коми-перм. отделение, 1959. — 112 с.
Тулысся петассэз. 2 кн. Романа «На рассвете»: на коми-перм. языке. — Кудымкар: Пермское кн. изд-во, коми-перм. отделение, 1975. — 133 с.
Туесок: Рассказы. — Пермь: Кн. изд-во, 1977. — 118 с.
Туйын: Рассказ //Гора му: Лит.-худож. сб. — Кудымкар: Коми-перм. кн. изд-во, 1963. — С. 24—26.
Утренние голоса: Рассказы. — Кудымкар: Коми-перм. кн. изд-во, 1967. — 78 с.
Шапка-пожум: Повесть. — Кудымкар: Пермское кн. изд-во, коми-перм. отделение, 1965. — 150 с.
Шапка-сосна: Повесть. — Пермь: Кн. изд-во, 1968. — 85 с.
Шапка-сосна: Повесть. — Пермь: Кн. изд-во, 1983. — 86 с.
Шатун: Повесть. — М.: Дет. лит. , 1972. — 175 с.
Шатун: Повесть. — М.: Сов. Россия, 1976. — 253 с.
Шепьясьӧ рудзӧг: Избр. повести и рассказы на коми-перм. Языке. — Кудымкар: Пермское кн. изд-во, коми-перм. отделение, 1976. — 343 с.
Югдiкӧ: Роман. — Кудымкар: Пермское кн. изд-во, коми-перм. отделение, 1970. — 186 с.
Югдiкӧ: Роман. Повести. — Кудымкар: Пермское кн. изд-во, коми-перм. отделение, 1980. — 315 с.

Наградаяс

«Россияса культураын нимӧдана уджалысь» ним (1996)

Ӧшмӧсъяс

Баталов Валериан Яковлевич // «Войвыв кодзув». 2018. — 2 №. — Л.б. 60.
Баталов Валериан Яковлевич // Писатели Пермской области: библиографический справочник / Сост. В. Богомолов. — Пермь: ТОО «Типография «Книга», 1996. — С. 35—36.
Баталов Валериан Яковлевич (1926—1998) // Гордость Пармы: Биографический справочник. — Кудымкар: Коми-Перм. кн. изд-во, 2008. — С. 13.
Баталов Валериан Яковлевич (1926—1998) // Коми-пермяцкие писатели: Биографический справочник в 2-х частях. Ч.1.: Учеб. Издание / Авт.-сост. Н.А. Мальцева. — Кудымкар: ООО «Алекс-Принт», 2006. — С. 5—6.
Баталов Валериан Яковлевич (1926—1998) //Литература родной Пармы: хрестоматия для общеобразовательных учреждений Пермского края, 8-9 кл. / Автор-сост. Н.А. Мальцева. — Кудымкар, 2009. — С. 57—58; 209—211.
Баталов В.Я. О себе // Баталов В.Я. Весенние всходы: Роман. — Кудымкар: Коми-Перм. кн. изд-во, 2001. — С. 5—8.
Баталов В.Я.: (Список литературы) // Коми-Пермяцкий Автономный округ: (1925—-1985): Рек. указатель лит. — Кудымкар: Коми-перм. Окружная библиотека им. М. Лихачёва, 1985. — С. 70—71.
Валериан Баталов: Буклет // Писатели Коми-Пермяцкого автономного округа. – Кудымкар, 1990.
Васильев И. Первый роман [Рец. на роман В. Баталова «На рассвете» // По ленинскому пути. 1980. 3 апр.
Говызин В. Песнь о любимом крае // По ленинскому пути. 1967. 8 дек.
Истомин Ф. Нехоженой тропой: Писателю В.Я.Баталову 70 лет // Парма. 1996. 17 июля.
Кольчурин В. Гижись йылiсь эшӧ кывмӧд // Парма. 2008. 18 мая. С. 3.
Мальцева Н.А. О романе «Весенние всходы» // Баталов В. Я. Весенние всходы: Роман. — Кудымкар: Коми-Перм. кн. изд-во, 2001. — С. 266—276.
Мехоношин А. Студёный Тимшер [Рецензия на книгу В. Баталова «Туесок»] // По ленинскому пути. 1977. 22 апр.
Пахорукова В.В. Я. Баталовлӧн творчество // Баталов В.Я. Шепьясьӧ рудзӧг: Избр. повести и рассказы на коми-перм. языке. — Кудымкар: Пермское кн. изд-во, коми-перм. отделение, 1976. — С. 5—12.
Пахорукова В.В. Коми мунымӧс сьылӧтись // Баталов В.Я. Зэр одзын: Избранные повести, рассказы и сказки для детей. — Кудымкар: Пермское кн. изд-во, коми-перм. Отделение, 1990. — С. 205—206.
Подборка материала к 75-летнему юбилею В. Баталова // Парма. 2001. 13 июля. С. 4.
Фадеев Т. О повести «Сосна-шапка» // Иньва. — Пермь, 1966. — С. 104—108.
Филиппов А. В. Баталов. Шатун //По ленинскому пути. 1973. 4 янв. (Статья перепечатана из журнала «Детская литература». 1972. ноябрь)
Черненко В. Повести и рассказы Валериана Баталова // По ленинскому пути. 1968. 15 фев.
Черненко В. Размышления над книгой: О прозе В. Баталова // Звезда. 1968. 15 фев.
Черненко В. Родники вдохновения: О произведениях В. Баталова, о романе «Весенние всходы» // Боталов И.В. Рука на пульсе. — Кудымкар, 1999. — С. 100—102; Звезда. 1986. 16 июля.
Шадрин А. Притяжение Родины: К 68-летию В.Я. Баталова // Парма. 1994. № 133. С. 2.
«Моя любимая библиотека» сайт
«Пермский край. Энциклопедия» сайт