Гуляева Людмила Петровна

Гуляева Людмила Петровна (1952) — перым коми гижысь.

Олан туй

Людмила Гуляева чужӧма 1952-ӧд вося рака тӧлысь 12-ӧд лунӧ Перым Коми кытшын Юсьва районса Ларин грездын. 1959—1969-ӧд воясын велӧдчӧма школаын. 1974-ӧд воын помалӧма Перым педагогика институтысь филология факультетса комиа-роч юкӧн. Велӧдӧма Перым Коми кытшса школаясын роч да перым коми кыв да литература: Кудымкар районса Мелехин школаын, нёль во — Антипин школаын. Бӧръя кызь восӧ уджалӧма Юсьва районса Крыкалёв шӧр школаын, на пиысь 9-сӧ — директоралӧма.

Гижан удж

Кывбуръяссӧ заводитӧма гижны школаын велӧдчигӧн. Йӧзӧдчылӧма кытшса газет-журналъясын да литературно-художественнӧй чукӧръясын. Гижӧ верстьӧлы да поснилы кывбуръяс да проза.

2007-ӧд воын челядьлы «Гажа кад» небӧгысь Л.П. Гуляевалы сетӧма Перым Коми кытшса премия.

Россияса гижысь котырӧ пырысь (2009).

Небӧгъяс

• Гуляева Л. П. Оланын биок. — Кудымкар: Коми-Перм. кн. изд-во, 1991. — 79 с.
• Гуляева Л. П. Годдэз и каддэз. — Кудымкар: Коми-Перм. кн. изд-во, 2001. — 224 с.
• Гуляева Л. П. Гажа кад. — Кудымкар: Коми-Перм. кн. изд-во, 2007. — 104 с.
• И шонтісьӧ бы лов. Аймам керкуын. Олан туй [Кывбуръяс]; Акробатъяс [Висьт] // Войвыв кодзув. 2018. — 2 №. — Л.б. 20—24.

Ошканпасъяс

• М. Лихачёв нима литературнӧй премия босьтысь (2008)
• А. Зубов нима литературнӧй премия бостысь (2019)
• Юсьва районса Почёта гражданин (2015)

Ӧшмӧсъяс

• Даты, события, люди ...: справочное издание / Сост. Л. П. Ратегова. — Кудымкар: Коми-Перм. кн. изд-во, 2001. — С. 290—293.
• Гуляева Людмила Петровна // Войвыв кодзув. 2018. — 2 №. — Л.б. 20.
• Л. П. Гуляева йылысь