Екатерина нима Войвыв канал

Екатерина нима Войвыв канал (роч: Северо-Екатерининский канал) — Коми му да Перым край йитысь канал. Нимтӧма Екатерина II императрица серти.

ИсторияПравить

1785 воын лӧсьӧдӧма Екатерина нима Войвыв канал стрӧитӧмлысь бала. Канал йитӧ Войвыв Кӧтйӧм (Эжва вож) да Дзуридз (Лунвыв Кӧтйӧм вож, усьӧ Камаӧ).[1] Каналсӧ босьтчисны вӧчны 1787 вося лӧддза-номъя тӧлысь 28 лунӧ[2]

Каналсӧ заводитісны вӧчны сы могысь, медым сы пыр вайны урал заводъясысь прӧдукциясӧ войвыв флотлы, а войвыв бур вӧрсӧ — Рочму лунвылӧ; медым ёнджыка вузасьны няньӧн, солӧн, куӧн, тшайӧн, чериӧн, госӧн ас странаын да мукӧд канмуыскӧд.

Уджъяссӧ вӧчисны коми кресттяна. Канал бердын чужис выль оланін — Канава грезд. Каналлӧн кузьтаыс 18 км. Кӧсйисны вит воӧн помавны, но ыджыд тышъяс да мукӧд помка вӧсна сійӧс вӧчисны косталӧмъясӧн пӧшти 35 во. Пасьтаыс — 6 метра, ва веркӧстіыс — 15. Джуджтаыс — 2 метра. Каналас вӧлӧма 3 шлюз.

Канал кодйӧма 1812 воын, но планъяссӧ торкӧма Наполеонкӧд тыш. Уджъяссӧ помалӧма 1823 воын.

ӦшмӧсъясПравить

  • Жеребцов И.Л., Мельникова Н. Популярная история Республики Коми. — Сыктывкар: ООО «Коми республиканская типография», 2016.

ЫстӧдъясПравить

  1. [1] Даты // «Республика» газет, 2014 во, ӧшым тӧлысь 20 лун.
  2. Жеребцов, Л., Мельникова, Н. Популярная история Республики Коми. — Сыктывкар: ООО «Коми республиканская типография», 2016. — С. 60.