Открыть главное меню

Олан туйПравить

Георгий Жуков чужис 1896 вося ӧшым тӧлысь 1-ӧд лунӧ (важ стиль серти — вӧльгым тӧлысь 19-ӧд лунӧ) Калуга губерняысь Малоярославец уездса Стрелковка грездын.

Айму вӧсна Ыджыд тышӧдзПравить

Медводдза ставмирса тыш дырйи сійӧс наградитісны кык Георгиевскӧй крестӧн. Гӧрд Армиаын — 1918 восянь. Тышкасис Гражданскӧй тышын.

1939 воын сылӧн веськӧдлӧм улын лӧсьӧдӧма да олӧмӧ пӧртӧма Монголия вылӧ уськӧдчӧм японияса войскаяс пасьвартӧм кузя операциа.

Айму вӧсна Ыджыд тышПравить

1941 вося лӧддза-номъя тӧлысь 29 лунсянь — Медвылыс Главнокомандованиелӧн Ставкаӧ пырысь, 1942 вося моз тӧлысьсянь — СССР-са оборона наркомлӧн 1-дза вежысь да Медвылыс Главнокомандуюшӧйлӧн вежысь. 1941 воын веськӧдліс Резервнӧй фронтӧн, мый отсӧгӧн Ельня кар дорын вӧлі нуӧдӧма гитлерса войска вылӧ медводдза уськӧдчӧм да вермӧм. 19421943 воясӧ координируйтіс фронтъяслысь тышкасьӧмсӧ Сталинград улын, Ленинград гӧгӧрысь блокада орӧдігӧн, Курск улын да Днепр ю вӧсна. 1944 вося ракаода-кора тӧлысьясӧ веськӧдліс Украинаса 1-дза фронтлӧн войскаясӧн, гожӧмнас координируйтіс Беларусьса 1-дза да Мӧд фронтъяслысь тышъяссӧ, кор дасьтісны «Багратион» нима уськӧдчан операциа. Айму вӧсна Ыджыд тыш помасигӧн веськӧдліс Беларусьса 1-дза фронтӧн, мый вынъясӧн тышкасисны Висла-Одер операциаын да босьтісны Берлин.

Медвылыс Главнокомандование тшӧктӧм серти 1945 вося ода-кора тӧлысь 8-ӧд лунӧ Берлинсянь неылын — Карлсхорстын — кырымаліс нацистскӧй Германиялӧн вооруженнӧй вынъяс капитуляция йылысь документ. Фашистскӧй Германия пасьвартӧмӧ ыджыд пай пуктӧмысь сылы кыкысь сетлісны СССР-са медвылыс военнӧй орден — «Победа» орден. 1945 вося лӧддза-номъя тӧлысь 24-ӧд лунӧ принимайтіс Москваын Победа парад.

Айму вӧсна Ыджыд тыш бӧрынПравить

Война бӧрын 1953 воӧдз командуйтіс некымын военнӧй кытшын войскаясӧн. 19531955 воясӧ — оборона министрлӧн 1-дза вежысь. 19551957 воясӧ — СССР-са оборона министр.

Куліс 1974 вося лӧддза-номъя тӧлысь 18-ӧд лунӧ.

ӦшмӧсъясПравить

ЫстӧдъясПравить

  1. 1,0 1,1 1,2 1,3 Кругосвет — 2000.
  2. 2,0 2,1 2,2 2,3 Encyclopædia Britannica
  3. filmportal.de — 2005.
  4. 4,0 4,1 4,2 4,3 Gueorgui Konstantinovitch Joukov // Encyclopédie Larousse en ligne
  5. 5,0 5,1 Жуков Георгий Константинович // Жуков Георгий Константинович / под ред. А. М. Прохоров — 3-е изд. — М.: Советская энциклопедия, 1969.