Изьвавом

Изьвавом либӧ Устьӧ (рочӧн Усть-Ижма) — Коми Республикаын Изьва районысь Кельчиюр сикт овмӧдчӧминӧ пырысь коми грезд.

Изьвавом Усть-Ижма
Му:	Рочму
Статус:	грезд
республика:	Коми республика
район:	Изьва район
Медводдза казьтыштӧм:	1766
Инлыдпасъяс:	0°00′ в. п. 0°00′ а. к.0° в. п. 0° а. к. 0, 0
Официал кыв	коми, роч
Олысьяс	545 морт (2007)
Час кытш:	UTC+3+3
Телефон код:	+7 821 40
Пошта индӧс:	169475
Автомобиль код:	11, 111

Ним артмӧм

Сэтчöс комияс грездсӧ шуöны Усьте.

География

Сиктыс пукалö Печора ю бокын, Изьва ю вомсянь неылын. Изьвавомсянь Кельчиюрӧдз 5 км. Матысса сикт-грезд: Галфедь, Кельчиюр, Галпи, Едэма, Неридз.

История

• Сиктыс артмис 1763-1766 воясö. Медводдза олысьясöн вöлiсны Филиппов Иван Иванович, Филиппов Савелий Иванович, Артеев Андрей Ануфриевич, Терентьев Кузьма Яковлевич, Терентьев Даниил Маркович да Филиппов Фока Нефёдович.
• 1782 воын грездыс шусис Выжемская, танi олiсны 65 морт: 26 мужичöй да 39 нывбаба.
• 1795 воö Выжемское устье нима грездас кольöмаӧсь 48-öн: 23 мужичöй да 25 нывбаба.
• 1816 воын грездсö гижöмаöсь Усть-Ижемская нимöн, татöн вöлi сэки 64 олысь нин: 25 мужичöй да 39 нывбаба.
• 1835 воö тан олiсны 52 мужичöй (нывбабаяс йылысь пасйöдъяс абуöсь).
• Кодсюрöяс мунлiсны Изьвавомысь, кодсюрöяс бара вуджлiсны татчö овны. Тадз, 1846 воö Устьеысь Урал сайö Тобольск губернияö ас семьяыскöд (8 морт) мунö П.М. Артеев. XIX нэмся 40-öд воясö татчö Неридз грездысь асланыс ыджыд семьяясöн воисны Бабиков Пётр Михайлович, Бабиков Емельян Петрович да Бабиков Демид Кириллович.
• 1850 воö сиктын олiсны нин 206 морт: 109 мужичöй да 97 нывбаба.
• 1859 воын сиктын (Усть-Ижемское, Устьянское, Устье нимъясыс) вöлi вичко, 29 йöр да 253 олысь: 124 мужичöй да 129 нывбаба.
• 1905 воын вöлi нин 85 йöр да 602 олысь: 283 мужичöй да 319 нывбаба.
• 1918 воö сиктын вичкоысь кындзи эм нин и школа.
• 1920 во кежлö сиктыс быдмис 104 йöрöдз, а олысь лыдыс уси 529 мортöдз: 237 мужичöй да 292 нывбаба.
• 1926 воас лои 114 йöр, 646 олысь: 298 мужичöй, 348 нывбаба.
• 1930 во: Усть-Ижма нима грездын эм школа да пароход сувтанiн.
• 1970 воын танi олiс медуна йöзыс – 711 морт.
• 1979 во кежлö морт лыдыс уси 619-öдз.
• 1989 воын Усьтеас вöлi 603 морт: 310 мужичöй да 293 нывбаба.
• 2002 вося перепись серти сиктын олiсны 641 морт.

Олысь лыд

Олöны Усьтеын комияс, 641 морт. Сёрнитöны Изьва сёрнисикас вылын.

Вояс да олысь лыд
1859	1905	1926	1970	1979	1989	2002	2007
253	602	646	711	619	603	641	545

Медводдза овъяс

• 1766 — Артеев, Терентьев, Филиппов

Ӧшмӧсъяс

• Жеребцов И.Л., Мусанов А.Г. Где ты живешь? (гипермедиаэнциклопедия).
• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Республика Коми: Энциклопедия. — Сыктывкар, 1997—2000. — Т. 1—3.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.

Ыстӧдъяс

Кельчиюр сиктувса оланінъяс
Ӧнія оланінъяс: Галпи • Галфедь • Едэма • Изьвавом • Кельчиюр •