Июль (сьылысь котыр)
ИЮЛЬ — Кулӧмдін сиктса томуловлӧн сьылан котыр, артмӧдӧма 2009 вося сора тӧлысьын.
История вежны
«Июль» котырӧн веськӧдлӧ Людмила Яснецова. Медводддзаысь сійӧ петкӧдчис 2009 вося сора тӧлысь 17 лунӧ, кор Кулӧмдін сиктын пасйисны Кулӧмдін район артмӧмсянь 80 во тырӧм.
Налӧн репертуарын вӧлі «попса». Сёрӧнджык, Людмила Яснецова водзмӧстчӧмӧн, репертуарас лоисны коми авторъяслӧн да йӧзкостса сьыланкывъяс. Медводдзаӧн вӧлі Василий Лодыгинлӧн «Кыдзсӧ кусыньті» кывбур вылӧ сьыланкыв.
Водзсяньыс котырын вӧлі 6 сьылысь, но бӧрынджык чиніс нёльӧдз. Людмила Яснецова кындзи «Июльын» сьылӧны: Наталья Казминова, Иван Нестеров,
«Июль» котырлӧн репертуарын эм татшӧм коми сьыланкывъяс: «Сьӧлӧмӧй» (кывъясыс Михаил Шаховлӧн), «Коми рок-н-ролл», «Абу на тулыс», «Сьӧлӧмӧй дай сьӧлӧмӧй», «Кулӧмдін», «Кыдзсӧ кусыньті» (кывъясыс Василий Лодыгинлӧн) да мукӧд.
Котыр зільӧ петкӧдчыны республикаса да районса праздникъясын да конкурсъясын, нуӧдӧ торъя концертъяс, на лыдын — благотворительнӧй сьылӧмъяс. Сідз, 2012 вося ода-кора тӧлысь 28 лунӧ «Июль» котыр нуӧдіс Кулӧмдін районса Культура керкаын концерт, а билетысь вузалӧм сьӧмсӧ (24 700 шайт) вуджӧдісны Кулӧмдін сиктса Кристос ловзян вичко дзоньталӧм вылӧ [1]. Быд во том йӧзлӧн котыр петкӧдчӧ Василей гажын.
Вермӧмъяс вежны
- 2009, вӧльгым тӧлысь — Сьылысь котыр петкӧдчис «Этнококтейль» том войтырлӧн республикаса I фестивальын.
- 2010, ӧшым тӧлысь — сьылысь котыр босьтіс I тшупӧда диплом патриотическӧй сьыланкывъяслӧн «Живи, Родник Отечества» республикаса фестиваль-конкурсын.
- 2011, вӧльгым тӧлысь — «Июль» шедӧдіс призӧвӧй места фин-йӧгра войтырлӧн эстраднӧй сьыланкывъяс сьылысьяс костын «Ший Памаш» (Эзысь ӧшмӧс) II регионъяскостса фестиваль-конкурсын.