Кобра (Койгорт район)

Кобра, Гобӧр (рочӧн Кобра) – Коми республикаын Койгорт сикт овмӧдчӧминö пырысь грезд, кодӧс тупкисны да бырӧдісны 1970-ӧд воясӧ.

Гобӧр Кобра
Му:	Рочму
Статус:	вошӧм грезд
республика:	Коми республика
район:	Койгорт район
Медводдза казьтыштӧм:	1784 во
Инлыдпасъяс:	0°00′ в. п. 0°00′ а. к.0° в. п. 0° а. к. 0, 0
Официал кыв	коми, роч
Олысьяс	0 морт
Час кытш:	UTC+3+3
Телефон код:	+7 8 2132
Пошта индӧс:	168170

Ним артмӧм

Кобра ним артмӧма ю ним серти. Грездсӧ нӧшта шуӧны комиӧн «Гобӧр».

География

Кобра пукалӧ Кобра юлӧн шуйга берегын. Грездсянь Койгорт юрсиктӧдз 64 км.

История

• 1747 — артмӧдӧма тайӧ кадколаст бӧрас Вылыс Сыктывса олысьясӧн.
• 1784 — медводдзаысь казьтыштӧма «Экономические примечания к Генеральному межеванию» уджын: 29 овмӧсын олӧ 158 морт.
• 1859 — «Коберская» («Кобра», «Гобор») грездын 41 овмӧсын олӧ 375 морт, вӧлӧма ӧзын (пристань).
• 1891 — воссис грамота школа, 1904 — библиотека.
• 1916 — сикт вӧлі артмӧ некымын овмӧдчанінысь: «Зиновский» погост (17 овмӧс, 70 морт), «Турубановская» грезд (20 овмӧс, 106 морт), «Евсинская» грезд (8 овмӧс, 46 морт). Кобраса мукӧд олысьыс вуджӧма овны матігӧгӧрас артмысь грездъясӧ: «Починское» (10 овмӧс, 62 морт), «Артюхино» (12 овмӧс, 36 морт) да «Катыд» («Верховское») (8 овмӧс, 52 морт).
• 1918 — Кобрасаяс артмӧдісны «Шутовская» грезд: 3 овмӧс, 28 морт.
• 1916—1918 — кобрасаяс овмӧдчисны лунвылӧджык, чужисны «Половиной» да «Суран» пӧчинӧкъяс. Став овмӧдчаниныс вӧлі пырӧ Койгорт вӧлӧсьтса «Гобӧр обществоӧ».
• 1920-ӧд — чужисны «Мишунь-поле» («Сарга»), «Потан-баня-дор» да «Мӧд Суран» пӧчинӧкъс.
• 1926 — Гобӧр сиктсӧветын олӧ 567 морт: «Турубановская» грездын — 25 овмӧс, 151 морт; «Евсинская» — 9 овмӧс, 56 морт; «Зиньково» — 18 овмӧс, 104 морт; «Ортюхинская» — 11 овмӧс, 60 морт; «Катыд» («Верховья») — 6 овмӧс, 34 морт; «Пӧчинӧк» грездын — 13 овмӧс, 79 морт; «Шутовская» грездын — 4 овмӧс, 43 морт.
• 1930 — «Кобра» нимӧн та кадӧ вӧлі шуӧны «Турубановскӧй» грезд. «Турубановская» грездын вӧлі сиктсӧвет, школа, милиция участок, потребительяслӧн котыр, кресьтяналы общественнӧй отсӧг сетан комитет.
• 1956 — тайӧ воӧдзыс бырисны Гобӧр сикт сӧвет улӧ пырысь ылысса пӧчинӧкъяс.
• 1956 да 1960 — кык ним ӧтпырйӧ вӧлі мӧд грездлӧн: «Зинково» либӧ «Кобра». Сэсся тайӧ гредсӧ вӧлі шуӧны «Кобран». 1959 воын тані оліс 38 морт.
• 1966, ода-кора тӧлысь 26 лун — тупкӧма «Шутово» да «Катыд» («Верховье») грездъяс.
• 1966, вӧльгым тӧлысь 24 лун — тупкӧма «Пӧчинӧк» да «Артюхино» грездъяс.
• 1973, косму тӧлысь 5 лун — бырӧдӧма Кобра сикт сӧвет, а куим грезд пырисны Койгорт сикт сӧветӧ. Недыр мысти кушмис да тупкисны «Евсино» грезд.
• 1976, моз тӧлысь 31 лун — «Кобра» да «Турубановская» грездъяс официальнӧя киритӧмаӧсь да тупкӧмаӧсь.
• 1990-ӧд воясӧ тані кӧсйисны лӧсьӧдны фермер овмӧсъяс, но ылыслун вӧсна некод тайӧ уджас эз босьтчы.

Олысь лыд

Вояс
1784	1859	1892	1959
158	375	439	38

Медводдза овъяс

• Турубанов

Тӧдчана йӧз

• Турубанов Афанасий Николаевич (1938) — история туялысь, история наукаясса доктор (1990), Коми Республикаса наукаын нимӧдана уджалысь (1993).

Тӧдчанаторъяс

• Айму вӧсна Ыджыд тышын усьӧмаяслы обелиск.

Ӧшмӧсъяс

• Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
• История Коми с древнейших времен до конца XX века: В 2-х т. / По общей редакцией А.Ф. Сметанина. – Сыктывкар, 2004.
• Республика Коми: Энциклопедия. – Сыктывкар, 1997-2000. – Т. 1-3.
• Кобра сикт (фотояс)
• Кобра йылысь казьтылӧмъяс
• Топонимический словарь Республики Коми
• Котков П.Н. Рассуждения участника Великой Отечественной войны 1941-1945 годов / Сыктывкарский филиал Российского филиала кооперации. – Сыктывкар, 2012. – 75 с.
• Турубанов А.Н. Исчезнувшее село. Очерки истории Кобры. — Москва, 2017. — 127 с.