Кольчурин Василий Григорьевич

Кольчурин Василий Григорьевич
Чужан лун:	1961

Кольчурин Василий Григорьевич (1961) — перым коми гижысь-сатирик.

Олан туй

Василий Кольчурин чужӧма 1961-ӧд вося йирым тӧлысь 8-ӧд лунӧ Кудымкар районса Белоев сикт сӧвет улӧ пырысь Мечкор грездын. Медводдза классӧ велӧдчӧма Мечкорса школаын, 1972-ӧд восянь 1977-ӧд воӧдз – Отевса кӧкъямысвося школаын, 1977-ӧд восянь 1979-ӧд воӧдз – Белоевса шӧр школаын. Помалӧма Перымса канму педагогика институтлӧн филология факультетысь перым коми-роч юкӧн (1984). Нёль во уджалӧма Пятина школаын, 1988—1995-ӧд воясын – Кудымкар районса Егоровскӧй шӧр школаын. 1995-ӧд восянь журналисталӧма: гижӧма перым коми да роч кывйӧн «Парма» кытшса газетын, дасьтӧма «Коми говк» юкӧн.

Олӧ Кудымкарын.

Гижан удж

Гижисьлӧн медводдза кывбуръясыс чужисны школаын велӧдчигӧн, кор сылы вӧлӧма 13 арӧс. Медводдза висьтсӧ — «Медбӧрья греххез» — вӧлі йӧзӧдӧма 1981-ӧд воын «По ленинскому пути» газетын. Тайӧ жӧ ним улын 2002-ӧд воын Перым-Коми кытшса небӧг лэдзанінын петӧма медводдза небӧг. Сэтчӧ пырисны неыджыд висьтъяс, эссе, кывбуръяс, шмонитаан гижӧдъяс, бывальщинаяс, кодъяс матынӧсь йӧзкостса висьталӧмъяслы.

Гижӧдъясыс петавлісны «Парма» газетын, «Бичирок», «Иньва» да «Тыра ӧшымӧс» литературно-художественнӧй чукӧръясын.

Мӧд небӧг — «Адззисьлытӧдз, старик!» (2013) — гижӧд чукӧр, кытчӧ пыртӧма коми да роч кывъя шмонитана висьтъяс, а сідзжӧ мифологическӧй персонажъяс йылысь йӧзкостса висьталӧмъяс, кодъясӧс автор мичмӧдӧма ас кывнас.

Коймӧд небӧгыс — «Эн осудит менӧ, мамок».

Унаысь пырӧдчывлӧма журналистъяслӧн кытшса, обласьтса да ставроссияса конкурсъясӧ. Вермывлӧма финн-йӧгра прессалӧн I ставроссияса конкурсын «Хранители традиций» нимпасын (2003).

Вермӧма «ЛИФФТ-2018» III-ӧд ставмирса Евразийскӧй литературнӧй конкурсын «Проза. Короткий рассказ» нимпасын (сетӧма эзысь медаль да диплом) (Сочи, 2018-ӧд вося ода-кора тӧлысь).

2013-ӧд восянь пырӧ Россияса гижысь котырӧ.

Небӧгъяс

• Медбӧрья греххез. — Кудымкар, 2002.
• Адззисьлытӧдз, старик!: висьтъяс. — Кудымкар, 2013.
• Эн осудит менӧ, мамок. — Кудымкар, 2021.

Ӧшмӧсъяс

• Перым-Коми кытшса небӧгаин (рочӧн)
• Коми-пермяцкие писатели: Биографический справочник для образовательных учреждений. В 2 ч. Часть II. / Авт.-сост.: Н. А. Мальцева. — Кудымкар, 2006. — С. 19.
• Ф.Ф. Павленков нима Белоев районса шӧр небӧгаин (рочӧн)