Кузьма-Демьян лун
Кузьма-Демьян лун (рочӧн Кузьминки, Кузьма-Демьян) — йӧзкостса гаж, кодӧс пасйӧны вӧльгым тӧлысь 14 лунӧ.
Кузьма-Демьян лунӧ эжвайывса сиктъясын том йӧз рытнас чукӧртчӧны братчина вылӧ, кодӧс празднуйтӧны куим лун. Зонъяс медалӧны керка. Нывъяс вайӧны пызь, ид, таг да ӧтвыв пуӧны тагъя сур.
Юантор пуӧм бӧрын нывъяс сьыланкывйӧн корӧны керка кӧзяинлысь яндӧва. Сэсся нёль ныв стӧкан тыра сурӧн йӧктӧны сьыланкыв улӧ да юӧны. Сьыланкывйӧн жӧ найӧ матыстчӧны кык зон дорӧ подносӧн да мыччӧны налы сур. Юӧм бӧрын зонъяс пуктӧны поднос вылӧ сьӧмтор.
Та бӧрын нывъяс гӧститӧдӧны мукӧд зонсӧ.
Кулӧмдін районса Керчомъя сиктын Кузьма-Демьян лунӧ ичӧт нывкаяс ветлӧны керкаысь керкаӧ. Найӧс гӧститӧдӧны тшайӧн, ырӧшӧн, няньӧн, калляӧн (идъя чужваысь юантор).