Кулӧмдін уезд

Кулӧмдін уезд – Коми (Зыряна) асвеськӧдлан обласьтын уезд (1922–1929 воясын).

Коми (Зыряна) асвеськӧдлан обласьтын уездъяс

Кулӧмдін уезд артмӧдӧма 1922 вося косму тӧлысьö, юрсиктӧн лои Кулӧмдін сикт. 1929 воын Коми (Зыряна) асвеськӧдлан обласьтысь став уездсӧ бырӧдӧма, на пыдди лӧсьӧдӧма районъяс.

1926 воӧ Кулӧмдін уезд вӧлі пырӧ 28 вӧлӧсьт: Аныб (Аныбская), Важкуръя (Вашкурская), Висер (Богородская), Визябӧж (Визябожская), Вомын (Вомынская), Воч (Вочевская), Дереваннӧй (Деревянская), Изьвайыв (Изваильская), Керчомья (Керчемская), Кӧрткерӧс (Корткеросская), Кулӧмдін (Усть-Куломская), Маджа (Маджская), Мордін (Мординская), Мылдін (Троицко-Печерская), Мыс (Мыелдинская), Немдін (Усть-Немская), Нёбдін (Небдинская), Одыб (Нившерская), Пезмӧг (Пезгомская), Пожӧг (Пожегодская), Позтыкерӧс (Позтыкеросская), Помӧсдін (Помоздинская), Пӧддельнӧй (Подъельская), Руч (Ручевская), Саваяг (Савино-Барская), Шойнаты (Сторожевская), Тшугӧр (Щугорская), Ыджыдвидз (Большелужская).

1926 воын уездын оліс 56,4 сюрс морт. Ставныс – сиктса олысьяс. Уездлӧн ыдждаыс – 123 916 км²

1929 воын бырӧдӧм Кулӧмдін уезд пыдди лӧсьӧдӧма Кулӧмдін район.

Ӧшмӧсъяс

• Территориальное и административное деление Союза ССР на 1-е января 1926 года. – М.: Главное управление коммунального хозяйства НКВД, 1926. 284 с. (тираж 4000)
• Всесоюзная перепись населения 1926 г. РСФСР и ее регионы. Населенные места. Наличное городское и сельское население.