Открыть главное меню

Олан туйПравить

Павел Лимеров чужӧма 1958 вося урасьӧм тӧлысь 11 лунӧ Удора районса Мукты грездын. Мукӧдлаын гижӧма, мый чужӧма Кардор обласьтса Лешуконское сиктын. Челядьдырйиыс кольӧма Муктыын, медводдза кык восӧ велӧдчӧма Ыджыдъяг посёлокса школаын. 19691973 воясӧ велӧдчӧма Ичӧт Пераса шӧр школаын. 1977 воын помалӧма Печораса ювыв училишӧ, босьтӧма штурман-механик специальносьт, уджалӧма Улыс Печораса техучастокын «Сапсан» теплоход вылын. 19771980 воясӧ служитӧма Тихӧй океанын ПЛ Б-139 ваувса пыжын (Дунай пос.).

1987 воын помалӧма Сыктывкарса канму университетын филологиа факультетысь коми юкӧн. 19871989 воясӧ велӧдӧма Укваса 9-ӧд №-а школаын роч кыв да литература.

1992 воын помалӧма Кыв, литература да история институтса очнӧй аспирантура. 1996 воын Роч литература институтын (Пушкин керка) дорйӧма филология наукаясса кандидат ним вылӧ диссертация «Генезис и динамика мифологических образов (по материалам несказочной прозы народов Европейского северо-востока)» тема серти.

1992 воснь уджалӧ Коми наука шӧринса Кыв, литература да история институтын: медводз — младшӧй научнӧй сотрудник, сэсся — научный сотрудник (1994), старшӧй научнӧй сотрудник (1996), ведушӧй научнӧй сотрудник (1997). 19972007 воясӧ вӧлі пырӧ Кыв, литература да история институтса Туялысьяслӧн котырӧ, 20012007 воясӧ веськӧдлӧма фольклор юкӧдӧн.

Туялан уджПравить

Туясян нырвизьяс: фольклор, йӧзкостса оласног, абу мойдана прозалӧн поэтика да жанръяслӧн аслыспӧлӧслун, фольклор да литература костын йитӧдъяс да мытшӧдъяс, демонология, коми войтырлӧн религиозносьт.

Йӧзӧдіс 150-ысь унджык удж (ӧтувъя объёмыс 180 п.л.). На лыдын «Коми несказочная проза» велӧдан пособие (1998), «Мифология загробного мира» (1998) да «Образ св.Стефана Пермского в письменной традиции и в фольклоре народа коми» монографияяс (2009), «My пуксьӧм – Сотворение мира» (2005), «Войдӧр. Когда-то. Мифы, легенды, предания коми» (2012) да «Коми войтырлӧн шусьӧгъяс да кывйӧзъяс. Пословицы и поговорки коми народа» (2014) фольклор текст чукӧръяс.

НебӧгъясПравить

  • Лимеров П. Ф. Коми несказочная проза: Учебное пособие по спецкурсу. — Сыктывкар, 1998. — 96 с.
  • Лимеров П. Ф. Мифология загробного мира. — Сыктывкар, 1999. — 125 с.
  • Му пуксьöм — Сотворение мира / Сост., предисл., примеч. и перевод П.Ф. Лимерова. — Сыктывкар: Коми кн. изд-во, 2005. — 624 с.
  • Лимеров П. Ф. Образ св. Стефан Пермского в письменной традиции и в фольклоре народа коми. — М.: Наука, 2008. — 256 с.
  • Войдӧр. Когда-то. Мифы, легенды, предания коми / Сост П.Ф. Лимеров. — Сыктывкар, 2012. — 160 с.
  • Коми войтырлӧн шусьӧгъяс да кывйӧзъяс. Пословицы и поговорки коми народа / Сост. П.Ф. Лимеров. — Сыктывкар: ООО «Коми республиканская типография», 2014. — 208 с.

МукӧдторПравить

1996 восянь вӧлӧма «Арт» журналса медшӧр редактор вежысьӧн, 2016 восянь — медшӧр редакторӧн.

НаградаясПравить

  • Наука юкӧнын П.А. Сорокин нима Коми Республикаса канму премиа (2007)
  • Коми Республикаса Почёт грамота (2008)
  • Журналистика юкӧнын Коми Республикаса канму премиа (2012)
  • Коми Республикаса нимӧдана уджалысь (2018)[1]

ӦшмӧсъясПравить

ЫстӧдъясПравить