Лопъювад (Кулӧмдін район)

Лопъювад (рочӧн Лопъювад) – Коми Республикаын Кулӧмдін районысь Тымсер сикт овмӧдчӧмин улӧ пырысь посёлок.

Лопъювад Лопъювад
Му:	Рочму
Статус:	посёлок
республика:	Коми республика
район:	Кулӧмдін район
Медводдза казьтыштӧм:	1930
Инлыдпасъяс:	0°00′ в. п. 0°00′ а. к.0° в. п. 0° а. к. 0, 0
Официал кыв	коми, роч
Олысьяс	461 морт (2007)
Час кытш:	UTC+3+3
Телефон код:	+7 8 2137
Пошта индӧс:	168076
Автомобиль код:	11, 111

География

Посёлок пукалӧ Лопъю шуйга берегын, Лопъювад тысянь неылын. Лопъювадсянь Тымсер шӧрсиктӧдз 25 км., Кулӧмдін юрсиктӧдз 133 км.

История

• Артмис 1930 воын кыдзи спецпереселенечьяслӧн посёлок. 1932 воын спецпосёлокъяс лыдын — Мыс сикт сӧветӧ улӧ пырысь «Лопью».
• Медводдза воясас кулакалӧм йӧз олісны баракъясын, вӧр пӧрӧдісны, видз-му вӧдитісны этша. 1932-1933 воясӧ странаын тшыгъялӧм вӧсна спецпосёлокъясӧ этша вайисны сёян-юансӧ: 5-12 лун чӧж спецпереселенечьяслы эз сетлыны продуктъяссӧ, найӧ сёйисны кач, нитш да мукӧдтор, мый вайӧдіс кулӧмъясӧдз. Унаӧн вӧлі пышъялӧны. 1932 вося тӧвшӧр тӧлысь 1 лун кежлӧ посёлокын оліс 1070 морт; 1932 вося ода-кора тӧлысь 1 лун кежлӧ — 1055 морт.
• 1930-ӧд вояс шӧрын спецпосёлокъяс вочасӧн петісны кризисысь. Посёлоксалы сетісны содтӧд му («приусадебные участки»), гӧран да кӧдзан техника, вӧр пӧрӧдӧм вылӧ сьӧм, ссуда мынтӧм вылӧ отсрочка. Коді колис ловйӧн, вермисны лӧсьӧдны ассьныс овмӧсъяссӧ. 1930-ӧд вояс шӧрын лӧсьӧдӧма колкоз, но ёнджыкасӧ вӧлі вӧр пӧрӧдӧны.
• 1956 вося списокын вӧр пӧрӧдысьяслӧн «Лопьювад» посёлок вӧлі пырӧ Мыс сикт сӧветӧ, 1963 восянь — Тымсер сикт сӧветӧ.
• 2013 во кежлӧ посёлокын эм: челядь сад да школа, клуб, библиотека, лесничество, пошта юкӧн, фельдшерско-акушерскӧй пункт, «КТК» ВАК-лӧн Лопъювадса участок, челядь ворсанін.

Олысь лыд

Олысь лыд да вояс
1932.01.01	1932.05.01	1989	1992	1995	2000	2007	2013
1070	1055	646	638	586	547	461	481

Овмӧс

2013 воын тані эм: С.В. Мастюгинлӧн вӧр пӧрӧдан котыр.

Тӧдчана эмторъяс

• Айму вӧсна Ыджыд тыш вылӧ ветлысьяслы казьтылан пӧв
• Айму вӧсна Ыджыд тыш вылӧ усьӧмаяслы Слава обелиск

Ӧтуввез

• Кулӧмдін районса сайтын Тымсер сикт овмӧдчӧминлӧн лист бок

Ӧшмӧсъяс

• Атлас Республики Коми. – Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
• Игнатов М.К. Взгляд сквозь годы. – Сыктывкар: Коми небӧг лэдзанін, 1998. – 224 с.
• Игнатов М.К. Усть-Куломский район: помни прошлое, зная настоящее, делай будущее (1620–2008). – Сыктывкар, 2009. – 366 с.
• История Коми с древнейших времен до конца XX века: В 2-х т. / По общей редакцией А.Ф. Сметанина. – Сыктывкар, 2004.
• Республика Коми: Энциклопедия. – Сыктывкар, 1997-2000. – Т. 1-3.