Налимова Эмилия Алексеевна

Шаблон:Серпасыс абу

Налимова Эмилия Алексеевна (1937—2019) — коми ӧтмунӧмын да культураын водзмӧстчысь, Коми Республикаса нимӧдана уджалысь.

Олан туй

Эмилия Налимова чужӧма 1937-ӧд вося косму тӧлысь 15-ӧд лунӧ.^[1]

1962—1970-ӧд воясын директоралӧма Сыктывдін районса культура керкаын, 1970—1982-ӧд воясын — Шӧр библиотекаын, 1982—1998-ӧд во ясын — веськӧдлӧма Сыктывдін районса администрацияын культура юкӧнӧн.

Эмилия Налимоваӧс шуӧны Сыктывдін районса история да культура музей восьтӧмын водзмӧстчысьӧн. 2017-ӧд воын сылысь нимсӧ сетӧма тайӧ музейыслы. Водзмӧстчӧма «Налимов лыддьысьӧмъяс» конференция котыртӧмын да нуӧдӧмын.

Кулӧма 2019-ӧд вося ӧшым тӧлысь 9-ӧд лунӧ Выльгортын.^[2]

Общественнӧй удж

Нуӧдӧма ыджыд общественнӧй удж. Сизим созыв чӧж вӧлӧма сикт сӧветса депутатӧн. Уна во чӧж веськӧдлӧма Сыктывдін районса культура уджалысьяслӧн профсоюзса комитетӧн, районса аньяслӧн Сӧветӧн. Кызь гӧгӧр во водзмӧстчӧма «Коми войтыр» ӧтмунӧмса Сыктывдін представительствоын.

Ошканпасъяс

Рочмуса

«Уджвывса ветеран» медаль
«1941–1945 воясса Айму вӧсна Ыджыд тышын бур уджысь» медаль
Рочмуса нывбаба котырлӧн казьтылана медаль
«Доблестнӧй уджысь (Тышса доблесьтысь). Владимир Ильич Ленин чужӧмсянь 100 во тыригкежлӧ» казьтылан медаль
Рочмуса культура министерстволӧн «Культураын вермӧмъясысь» морӧсын новлӧдлана пас

Коми

Коми Республикаса нимӧдана уджалысь
Сыктывдін районса Почёта гражданин
Выльгорт сиктса Почёта гражданин

Ӧшмӧсъяс

Ыстӧдъяс

[1] Деркаева Я. Эмилия Налимова, символ Выльгорта // «Красное знамя Севера» (2012.04.12-ӧд лун; рочӧн)

[2] Морохина В. Ушла из жизни основательница Музея истории и культуры Сыктывдина Эмилия Налимова // «Комиинформ» юӧр сетан агентство (2019.12.09 лун; рочӧн)

[1]

[2]