Некрасова Галина Александровна

Некрасова Галина Александровна (1958) — коми кыв туялысь, филологияса кандидат. Батьыс — коми гижысь, Коми АССР-са школаясын нимӧдана велӧдысь, Коми Республикаса Почёта гражданин Александр Некрасов (Гамса).

Олан туй

Галина Некрасова чужӧма 1958-ӧд вося ӧшым тӧлысь 12-ӧд лунӧ Коми АССР-ын Емдін районса Айкатылаын. 1976-ӧд воын помалӧма Емдін районса Гам сиктын, 1981-ӧд воын — Сыктывкарса канму университетысь пилология пакультет.

1981—1983-ӧд воясын уджалӧма Кыв, литература да история институтысь кыв юкӧдын старшӧй лаборантӧн. 1984—1986 воясын велӧдчӧма Тарту университетса (Эстония) аспирантураын «Фин-йӧгра кывъяс» специальносьт серти. 1987-ӧд вося тӧвшӧр тӧлысьын пырӧма уджавны Кыв, литература да история институтысь кыв юкӧдӧ: вӧлӧма младшӧй научнӧй сотрудникӧн (1987-ӧд восянь), старшӧй научнӧй сотрудникӧн (1993-ӧд восянь).

Туялӧмъяс

1987-ӧд воын Тарту университетын дорйӧма филологияса наукаясса кандидат ним вылӧ диссертация, темаыс «Л-овые падежи в коми языке».

Йӧзӧдӧма 230 сайӧ туясян удж^[1], на лыдын: «Ӧнія коми кыв. Морфология» (2000, соавт.), «Коми кывлӧн историческӧй фонетика» (2000), «Система L-овых падежей в пермских языках. Происхождение и семантика» (2002), «Вежлӧг перым кывъясын: форма, вежӧртас, артманног» (2004), «Структура слова и выбор падежного алломорфа в пермских языках» (2006).

Дасьтӧма «Коми язык» (М., 1998), «Республика Коми» (Т. 2. 1999) энциклопедияяслы статьяяс.

Галина Некрасова — Фин-йӧгра котырӧ суйӧрсайса пырысь (Хельсинки, Финляндия).

Велӧдӧм

Небӧгъяс

Коми язык. Энциклопедия. Москва, 1998. — 608 с. (соавт.)
Ӧнія коми кыв. Морфология. — Сыктывкар, 2000. — 544 с. (соавт.)
Некрасова Г. А. Коми кывлӧн историческӧй фонетика. — Сыктывкар, 2000. — 168 л.б.
Некрасова Г. А. Система L-овых падежей в пермских языках. Происхождение и семантика. — Сыктывкар, 2002. — 168 с.
Некрасова Г. А. Вежлӧг перым кывъясын: форма, вежӧртас, артманног. — Сыктывкар, 2004. — 118 л.б.
Некрасова Г. А. Структура слова и выбор падежного алломорфа в пермских языках. — Москва, 2006. — 122 с.

Наградаяс

Коми Республикаса канму премия босьтысь наука юкӧнын (1999)
Коми Республикаса Веськӧдлан котырлысь канму премия босьтысь велӧдӧм юкӧнын (2004)
Коми Республикаса Юралысьлӧн Почёт грамота (2005)
Россияса наукаяс академиялӧн Почёт грамота (2009)

Ӧшмӧсъяс

Ыстӧдъяс

↑ Кыв, литература да история сайтын Г.А. Некрасоваӧс чолӧмалӧм

[1] Кыв, литература да история сайтын Г.А. Некрасоваӧс чолӧмалӧм

[1]