Коми АССР

Коми Асвеськӧдлан Сӧветскӧй Социалистическӧй Республика (рочӧн: Коми Автономная Советская Социалистическая Республика; дженьыда, рочӧн: Коми АССР) — РСФСР-ын рытыв-войвылын 1936—1990 воясӧ асвеськӧдлан республика. Коми АССР-лӧн юркарӧн вӧлі Сыктывкар.

История

Коми Асвеськӧдлан Сӧветскӧй Социалистическӧй Республика (Коми АССР) вӧлі лӧсьӧдӧма РСФСР-ын Коми (Зыряна) асвеськӧдлан обласьт подув вылын 1936 вося ӧшым тӧлысь 5 лунӧ.

Медыджыд каръяс: Сыктывкар, Воркута, Инта, Печора, Уква.

Юклӧм

Коми АССР артмӧдігӧн вӧлі лӧсьӧдӧма 12 район:

Олысь лыд

1939 вося Йӧзӧс гижалігӧн Коми АССР-ын 72,5 % олысьыс коми (231 301 морт). Налӧн лыдын вочасӧн содіс мукӧд воас, но став олысь пиын налӧн процент лыдыс чиніс. 1989 воын Коми АССР-ын оліс 1 250 847 морт, на пиысь рочьяс — 721 780 морт (57,7 %), комияс — 291 542 морт (23,3 %).

Видзӧдӧй сідзжӧ

• Коми (Зыряна) асвеськӧдлан обласьт
• Коми Республика