Элиас Лённрот

Лённрот, Элиас(суомиӧн:Elias Lönnrot ) (1802 — 1884) — суоми кыв да фольклор туялысь, велӧдчӧм серти бурдӧдысь. Гельсингфорса университетын суоми кыв да гижӧмбурлӧн (литературалӧн) профессор.

Элиас Лённрот

Став мирын нималана карел да суоми эпос "Калевала"-лӧн автор. Сiдзжӧ сiйӧ гижис куим мукӧд фольклор кузя небӧг — лирическӧй рунояс (runo суомиӧн— сьыланкыв, кывбур) ӧктӧд "Кантелетар" (1840—1841), "Суоми войтырлӧн шусьӧгъяс" (1842) да "Суоми войтырлӧн нӧдкывъяс" (1844).

Олан туй

• 1802, кос му тӧлысь 9 лун — чужис Самматти сиктын (Суоми Му) гӧль сикста вурсьысьлӧн семьяын.
• 1822—1827 — велӧдчис Або университетын.
• 1827 — дорйис "Вяйнямёйнен, важ суоми еныс" диссертациясӧ.
• 1827—1832 — велӧдчис врач вылӧ Гельсингфорс Университетын.
• 1833 — университетыс помалiгӧн бӧрын уджалис бурдӧдысьӧн, Каяани неыджыд карын.
• 1828—1842 — ветлöдлiс став Асыввыв Карелия пасьтала рунояс чукӧртӧм могысь. Подӧн мунис пищалькӧд да ноп мыш сайын, али пыжӧн кывтис. Кывлiс уна руносьылысьысь да гижалiс важ рунояс. Гижис луннебӧгсӧ, да йӧз олӧм йылысь, вӧр-ва йылысь уна гижӧд.
• 1835 — "Калевала"-лӧн медводдза йӧзӧдӧм.
• 1836 — петiс Лённротлӧн веськӧдлӧм улын медводдза Суоми муын гижӧмбур серти «Мехиляйнен (Малямуш)» журнал.
• 1849 — "Калевала"-лӧн мӧд йӧзӧдӧм.
• 1853—1862 — уджалiс суоми кыв да гижӧмбур профессорӧн Гельсингфорса университетын.
• 1862 — помалiс уджсӧ профессорӧн , бӧр локтис чужан Самматти сиктӧ.
• 1884, рака тӧлысь 31 лун — кулiс Самматти сиктын (Суоми Му).

Видзӧдӧй тшӧтш

• Калевала

Ыстӧдъяс

• Элиас Лённрот [1]