Кулӧмдінса бунт: версиякостса торъялӧм

Пытшкӧссӧ чышкӧма Пытшкӧссӧ содтӧма
Вежӧмсӧ гӧгӧрвоӧдӧмыс абу
Вежӧмсӧ гӧгӧрвоӧдӧмыс абу
Визь 16:
[[1841 во]]ся гожӧмын 140 кулӧмдінса кресьтяна пуктісны кырымпасъяссӧ элясьӧм улӧ. Тайӧ элясьӧмсӧ [[Вӧлӧгда]]ӧ нуис [[Носим (Кулӧмдін район)|Носимса]] кресьтянин Герасим [[Сладкоштиев]]. Письмӧсӧ вылысянь вӧлі мӧдӧдӧма [[Усть-Сысольск]]ӧ, кӧні сійӧс эз и видлавны. Та бӧрын кресьтяна гижисны чина войтырлӧн лёкасьӧм вылӧ мӧд письмӧ. Сійӧс сідзжӧ нуис Г. Сладкоштиев канму эмбур кузя министерствоӧ. Мамонтовлӧн лёкалӧм улын унаӧн претензиа лыдсӧ чинтісны.
 
Та кадӧ вӧвлӧм старшина Кипрушев, писар да староста Мамонтов сёрнитчисны да кресьтяналы [[1842 во]] вылӧ вотъяс кыпӧдісны 19 шайсянь 23-ӧдз. Кор кресьтяна котыр кутісны юасьны, мыйла сиктса власьтъяс содтісны вот, тӧдмалісны, мый 3 сюрс шайт перйӧны торъя реестр серти (сьӧм, кодӧс гусяліс Кипрушев), а нӧшта 700 шайт — вылынджык пукалысь чина войтырлы козинъяс вылӧ. Кресьтяна эз кӧсйысьны мынтыны тайӧ пӧльтӧм сьӧмсӧ, корисны бергӧдны вот, мый мынтылісны [[1835 во]]сянь. Та кындзи найӧ эз кӧсйыны кывзысьны сиктса веськӧдлысьӧс да чукӧртісны кырымпасъяс, медым вӧтлыны Кипрушевсӧ старостаысь.
 
Та кадсянь кресьтяна восьсӧн кутісны водзсасьны сиктса власьтъяслы паныд. Кулӧмдінсаяс пӧвстын лои водзмӧстчысь морт — велӧдчӧм кресьтянин '''Гавриил Попов'''. Аслас чукӧртчӧмъяс вылын кресьтяна эз кӧсйысьны кывзысьны [[Усть-Сысольск]]са чиновникъяслысь. Письмӧяс гижӧм могысь найӧ корисны Коми муын нималана мортӧс, йӧзӧс дорйысьӧс — [[Шежам (Емдін район)|Шежам сиктса]] '''Дмитрий Балинӧс''', кодӧс ёна пыди пуктісны йӧзыс.
 
Восьсӧн сиктса власьтъяслы водзсасьӧм кыссис 13 тӧлысь. Гаврил Попов гӧгӧр артмис 8 морта котыр. На дор жӧ вӧліны 200 гӧгӧр кресьтяна, тшӧтш и орчча грездъясысь — [[Носим (Кулӧмдін район)|Носимысь]], [[Дон (Кулӧмдін район)|Донысь]], [[Керчомъя (Кулӧмдін район)|Керчомъяысь]] да [[Немдін (Кулӧмдін район)|Нэмдінысь]]. Кыпӧдчысьяслӧн шӧринӧн лои Гаврил Поповлӧн керкаыс, кодлӧн гӧбӧчас вӧчисны «кутузка». Сэтчӧ йӧртісны Г. Поповӧс кыйны кӧсйысьясӧс. Гӧбӧч-тюрма бӧрся видзӧдіс кӧзяинлӧн гӧтырыс — Даръя Васильевна.
 
== Кывкӧртӧдъяс ==