Михаэль Рисслер: различия между версиями

==Олӧм да наукаын удж==
М. Рисслер чужис 1971ʼ вося урасьӧм тӧлысь 16ʼ лунӧ [[Бельциг]]ын (Асыввыв [[Германия]]). Велӧдчис [[Ӧльӧксан Гумбольт|А. Гумбольт]] нима [[Берлинса университет]]ын, Берлинса мездлуна университетын (1992-93), сэсся [[Софияса университет]]ын (1995-96). 2002ʼ воӧ А. Гумбольт нима университетын сдайтіс магистр экзаменъяс скандинавистикаысь, болгаристикаысь да [[европа]]са [[этнология]]ысь, дорйис «Sprachwechsel und Sprachwandel in Nordskandinavien» магистр диссертация Ю. К. Кузьменко веськӧдлӧм улын.
 
2002-05ʼ воясӧ М. Рисслер ([[:en:Balthasar_Bickel|Балтазар Биккель]] да Йоханна Никольс веськӧдлӧм улын) велӧдчис [[Лейпциг университет]]са аспирантураын ӧтласа лингвистика серти, ӧттшӧтш уджаліс ассистентӧн «Autotyp» проектын <ref>[http://www.autotyp.uzh.ch/ Талун проектсӧ сӧвмӧдӧны [[Цюрих]]ын]</ref>. 2005-08ʼ воясын М. Рисслер – Гумбольт нима университетын наука туялысь да саам кывлӧн [[Кола кӧдж]]са сёрнисикасъяс документируйтӧм серти проектӧн веськӧдлысьясысь ӧти <ref>[http://saami.uni-freiburg.de/ksdp/ Kola Saami Documentation Project]</ref>. 2008-11ʼ воясын - Альберт Людвиг нима [[Фрайбург университет]]са скандинавистика кафедра бердын скандинав кывъяс туялан юкӧнса наука туялысь.
 
2011ʼ воӧ Лейпцигса университетын М. Рисслер дорйис докторскӧй диссертация ӧтласа лингвистика серти (веськӧдлысь – проф. Балтазар Биккелm). Тайӧ жӧ воас сійӧ пырӧдчӧ «[[Баренц регион]]са вужвойтыр кывъяслы электрон инфраструктура» проектӧ [[Тромсёса университет]]са ([[Норвегия]]) [[Саам кывъяс технология шӧрин]]ын (Giellatekno); 2011-13ʼ воясын уджалӧ, а сэсся веськӧдлӧ «[[Колтта саам]] культура суйӧръястӧг» <ref>[http://www.kolttasaamelaiset.fi/skoltsami/ Skolt Saami culture across borders]</ref> проектӧн Асыввыв саам музейын ([[Нейден]] кар, Норвегия).
 
2012ʼ воӧ М. Рисслер бӧр воӧ [[Фрайбург]]ӧ, университетса скандинавистика кафедраас. Тані сійӧ веськӧдлӧ «Корпус вылӧ мыджсьӧмӧн саам кывлысь кильдин да тер сёрнисикасъяс орччӧдӧм» проектӧн, а 2013ʼ восянь заводитӧ юравны Фрайбургса лапонист чукӧрӧн <ref>[http://www.skandinavistik.uni-freiburg.de/institut/mitarbeiter/riessler/riessler/forschung/forschungsprojekte/saami The Freiburg Research Group in Saami Studies]</ref>.
 
2014ʼ восянь М. Рисслер [[Рохир Блокланд|Р. Блокландкӧд]] ӧтвылысь веськодлӧ «Коми кывлӧн [[изьватас сёрнисикас]]: Россияса Ылі Войвылын олысь [[комияс]]лысь кывсӧ водзӧ туялӧм могысь аннотируйтӧм электрон корпус лӧсьӧдӧм» проектӧн.
 
==Велӧдӧм==
М. Рисслер – Фрайбургса университетын велӧдысь. Лыддьӧ лекцияяс саам филология серти да Войвыв Европаса кывъяслӧн (скандинав, асыввыв-славяна, балтикабердса [[Финн кыв|фин]], саам) орччӧдана грамматика серти. Сыысь кындзи, сійӧ нуӧдӧ практика занятиеяс да курсъяс асыввыв саам котыръяслы Норвегияын да Кола кӧджын.
594

правки