|
== Культура ==
[[Кедва сиктын Вежа Пантелеймонлӧн вичко]]
Кедва сиктын 19 нэмын стрӧитлісны часовня. Татчӧ волывлісны вичкоса служитысьяс, мукӧд йӧз, кодъяс ветлісны Изьва сиктсянь Поромӧсь грездӧ. Поромӧсь грездын сулаліс Вежа Николай-Чудотворецлӧн вичко.
Кедва сиктын лэптісны Пантелеймон-исцелительлысь вичко. Тані пыртісны пузчужӧмаясӧс, нуӧдісны служба. Быд во моз тӧлысь 9 лунӧ татчӧ волывлісны вӧвъясӧн, подӧн мукӧд сиктысь олысьяс. Кедваса часовняын служитіс дьяк Николай Васильевич Прялухин. Часовня шӧрас грымвидзис ӧти ыджыд юрйыв, сыкӧд орччӧн – кык ичӧт юрйыв. Став юрйыв вылас сулалісны крестъяс.
Кор 1936 воын разисны вичкосӧ, йӧзыс бӧрдісны. Олӧма йӧзыс висьталӧны, кыдзи вичкосӧ разигӧн кодкӧ активистъяс пиысь усис жыннянӧн, кувсис. Йӧзыс шуӧны, мый сійӧс тадзи накажитіс Енмыс.
Война дырйи тайӧ часовняын видзисны рудзӧг, сэсся сійӧс ставнас разисны. Вичко материалсӧ лэдзисны школа, аэропорт стрӧитӧм вылӧ. Недыр кад вичкоын вӧлі клуб (война бӧрын), кӧні петкӧдлісны концертъяс. Вичко колясыс зэв дыр сулаліс школа йӧрын. Сэні волі склад.
== Велöдöм ==
Кедвавом сиктын уджалӧ 32 №-а шӧр школа.
Выль школа восьтытӧдз кедваса челядь велӧдчисны поп керкаын, вӧвлӧм вичкоын.
Ӧнія школасӧ лэптісны войнаӧдзса да войнадырся кадӧ: 1939 – 1941 воясын. Школа стрӧитӧм вылӧ вӧрсӧ новлӧдлісны Арчаді участоксянь да Изьва юлӧн шуйга берегсянь. Унаӧн на пиысь, кодъяс стрӧитісны школасӧ, пӧгибнитісны Айму вӧсна ыджыд тышын. Вӧйна кадӧ школасӧ ёнджыкасӧ стрӧитісны олӧма аньяс да мужичӧйяс, кодъясӧс эз босьтны фронт вылӧ арлыд серти: Вокуев Павел Андреевич. Сметанина Ефросинья Васильевна да уна мукӧд.
| 