Нёбдінса Виттор: версиякостса торъялӧм

'''Нёбдiнса Виттор''' (збыльвывса ним '''Ӧльӧш Виттор''', [[роч кыв|роч]]ӧн '''Савин Виктор Алексеевич''', [[1888 во|1888]]—[[1943]]) — нималана [[коми кыв|коми]] [[коми гижысьяс анбур серти|гижысь, поэт, драматург]], [[коми литература]]са классик.

В.А. Савин чужӧма [[1888 во|1888 вося]]ся [[21 вӧльгым|вӧльгым тӧлысь 21-ӧд лунӧ]] [[Вӧлӧгда губерня|Вӧлӧгда губернялӧн]]лӧн [[Усть-Сысольск уезд|Усть–Сысольск уездса]] [[Нёбдін (Кӧрткерӧс район)|Нёбдін]] [[сикт]] улӧ пырысь [[Трӧшсикт (Кӧрткерӧс район)|Трӧшсикт]] [[грезд]]ын (ӧнi [[Коми Республика|Коми Республикаса]]са [[Кӧрткерӧс район]]). Велöдчӧма [[Нёбдін (Кӧрткерӧс район)|Нёбдiнса]] земскӧй начальнӧй училишӧын, помалӧма [[Дереваннӧй (Кулӧмдін район)|Дереваннӧйса]] мӧдӧд тшупӧда школа. Та бӧрын писаралӧма да письмӧ новлӧдлӧма, пес кералӧма. Сизим во уджалӧма [[Украина|Украинаса]]са рудникъяс контораын.

[[1937 во]]ся [[8 йирым|йирым тӧлысь 8-ӧд лунӧ]] В. Савинӧс арестуйтӧны, подулавтöг мыждӧны ("«контрреволюционнӧй буржуазно-националистическӧй котырӧ» пырӧ да «нуӧдӧ ... Коми буржуазнӧй республика лӧсьӧдӧм кузя тыш»). В.А. Савин эз лыддьы асьсӧ мыжаӧн.

[[1938 во]]ся [[7 сора|сора тӧлысь 7-ӧд лунӧ]] СССР-са НКВД бердын Особӧй совешанньӧ пуксьӧдӧма сійӧс лагеръясӧ 7 во кежлӧ («считая срок с 8 октября 1937 г.») «контрреволюционнӧй удж нуӧдӧмысь». Медводз Нёбдінса Витторӧс мӧдӧдӧмаӧсь «Воркутстрой» лагерӧ, кӧні сійӧ сӧвтӧма изшом баржаясӧ, сэсся вуджӧдӧмаӧсь лагерлӧн видз-му юкӧнӧ. В.М. Полещиков серти, [[1940 во]]ся [[26 кӧч|кӧч тӧлысь 26-ӧд лунсянь]] В.А.Савин вӧлӧма [[Усва]] ювывса Адак лагпунктын.

[[1942 во|1942-ӧд вося]] [[8 йирым|йирым тӧлысь 8-ӧд лунӧ]] Нёбдінса Витторлӧн пукалан кадыс помасьӧма, но сійӧ олӧма Адакын. Коми гижысь Г.И. Торлопов серти, лагерӧн юрнуӧдысьяс юасьӧмаӧсь Коми АССР-са НКВД-ын веськӧдлысьясӧс, мый вӧчны водзӧ. В.А. Савинӧс чужанінас абу корӧмаӧсь. [[1943 во|1943-ӧд вося]] [[3 урасьӧм|урасьӧм тӧлысь 3-ӧд лунӧ]] сійӧс мӧдӧдӧмаӧсь Кожва лагпунктӧ, кӧні олӧма [[13 урасьӧм|урасьӧм тӧлысь 13-ӧд лунсянь]] [[6 рака|рака тӧлысь 6-ӧд лунӧдз]], а сэсся мӧдӧдӧмаӧсь Сибырӧ. [[9 кос мукосму|косму тӧлысь 9-ӧд лунӧ]] В.А. Савин воӧма Прикулька лагпунктӧ (Томсксянь 50 км сайын). Туйын висьмӧм бӧрын Савинӧс йӧртӧмаӧсь лагерса лазаретӧ. [[1 сора|сора тӧлысь 1-ӧд лунӧ]] В.А. Савин гижӧма гортас письмӧ, юӧртӧма, мый ёнмыштӧма, кӧсйӧ пырны уджавны, корӧма сёян-юан мӧдӧдны.

Нёбдінса Витторлӧн {{comment|небӧгъяс|книгаяс}} вояс серти <ref> [http://www.nbrkomi.ru/page/1695 Коми Республикаса национальнӧй библиотека]</ref>