Уквавом (Сосногорск район): версиякостса торъялӧм

 

== История ==

 

 

Уквавомсаяс жӧ чайтӧны, мый сикт артмис [[1799 во]]ын. Медводз куйлӧма увтасінын, ӧнія сиктсянь 1,5 км сайын. Тайӧ иныс ӧні шусьӧ «Важ вӧлӧсьт». Ытваӧн ойдӧм вӧсна йӧзыс шуисны вуджны косінӧджык. Вуджны кутісны [[1860 во]]сянь. Вежа ай Иоанн Елеазаровский «Статистические и естественно-исторические очерки выселков по реке Ижма» гижӧдын, мый вӧлі йӧзӧзӧма «Архангельские губернские ведомости» газетын [[1867 во]]ся [[йирым тӧлысь]]ын, пасйӧ: «Усть-Ухтинская деревня стоит на левом берегу реки Ижмы, близ устья быстрой и прозрачной Ухты: от этого она и получила название Усть-Ухтинской; на языке же зырян известна под именем «Вуквавомской».

 

 

[[1908 во]]ся [[ода-кора тӧлысь]]ын сиктын восьтӧма гидрометеослужба пост, некутшӧм прибор абу вӧлӧма. Поводдя бӧрся кутісны бурджыка видзӧдны [[1928 во]]ся [[косму тӧлысь]]сянь. Штатас вӧлӧма 4 морт, юӧрсӧ мӧдӧдлісны [[Кардор]]ӧ. [[1948 во]]ся [[урасьӧм тӧлысь]]ын Уквавомса метеостанция тупкысис, сы вӧсна мый метеослужба воссис [[Уква]] карса аэропортын.

Сиктлӧн история йитчӧма [[Уква (ю)|Уква ю]] вылын мусир перйӧмкӧд. Уквавомсаяс медасьлісны М.К. Сидоров дорӧ: найӧ доддьӧн ваявлісны бурӧвӧйлы оборудование, кыпӧдісны некымын олан керка, пес дасьтісны. [[Медводдза мирӧвӧй тыш]] пансьӧмкӧд уна уджалысьӧс вӧлі босьтӧма армияӧ, но мусир перйӧм эз сувт. [[1915 во]] помын вӧлі шуӧма дугӧдны уджъяссӧ да оборудованиесӧ нуны Чибью вомӧ. Тӧвнас уквавомса кресьтяна додьясӧн нуисны оборудованиесӧ выльлаӧ. [[1917 во]]ся [[рака тӧлысь]]ын кык барак да контора керка, мый вӧлі кольлӧма Карлов участокын, вӧлі вуджӧдӧма Уквавомӧ. [[1917 во]]ся Октябрса революция бӧрын баракъясысь вӧчисны ичӧт школа, а контора керкаысь — вузасянін. Тайӧ керкаясыс эз кольны миян кадӧдз. [[1920 во]]сянь Укваса мусир перъянінын бара на кутісны уджавны уквавомсаяс.

 

 

== Олысь лыд ==

== Ыстӧдъяс ==

<references/>

{{Сосногорск карувса оланінъяс}}

 

[[Категория:Уквавом сикт овмӧдчӧмин]]

[[Категория:Сосногорск кар овмӧдчӧмин]]