Чувьюров Василий Николаевич: версиякостса торъялӧм

Чужис [[1938 во]]ся [[7 тӧв шӧртӧвшӧр|тӧвшӧр тӧлысь 7-ӧд лунӧ]] Коми АССР-ысь [[Кулӧмдін район]]са [[Дереваннӧй (Кулӧмдін район)|Дереваннӧй]] сиктын. Батьыс вӧлӧма дорччысьӧн (кузьнечӧн), та вӧсна сійӧс кутісны шуны Кузнеч Васьӧн.<ref>Календарь знаменательных и памятных дат Республики Коми на 2013 год / Сост. В.Н. Казаринова; Национальная библиотека РК. — [[Сыктывкар]], [[2012 во|2012]]. — С. 14—15.</ref> Мамыс вӧлӧма мӧс лысьтысьӧн, семьяас быдмӧма 4 кага: 2 вок да 2 чой.

7 класс помалӧм бӧрын, кор сылы вӧлӧма 15 арӧс, сійӧс муртса абу лыйлӧмаӧсь сыысь, мый гижӧма И.В. Сталинлы письмӧ да дорйӧма ассьыс ёртсӧ, кодӧс лыйлӧмаӧсь. Отсалӧма сійӧ, мый мӧдӧдчӧма велӧдчыны ФЗУ-ӧ (Фабрика-завод училишӧ). Кочегаритӧма. Ленинградса экспедиция котыркӧд вуджӧма Урал гӧраяс, велӧдчӧма [[Ташкент]]ын.

[[Сыктывкар|Сыктывкарӧ]]ӧ воӧм бӧрын пырӧма велӧдчыны Культпросветучилишӧ (ӧні — В.Т. Чисталёв нима Коми Республикаса культура колледж), кытысь во велӧдчӧм бӧрын вӧтлӧмаӧсь со татшӧм кывъясӧн: «низкий идейный уровень творчества и идеологически вредные песни». Ас пыдди велӧдчыны вайӧма [[Чувьюрова Лидия Даниловна|Лидия]] чойсӧ.

Василий Чувьюров вӧлі [[Василей (гаж)|«Василей»]] республикаса гаж котыртысьяс лыдын.

Уна во чужан сиктас веськӧдлӧ «Коми аньяс» сьылан котырӧн, коді босьтлӧма унасикас награда.