Розе Любовь Петровна: различия между версиями

нет описания правки
Нет описания правки
Нет описания правки
 
 
== Олан туй ==
Любовь Розе чужӧма [[1954-ӧд во]]ся [[сора тӧлысь 19-ӧд лун]]ӧ [[Красноярск край]]ын Балахтинск районса Павловск приискын. Батьыс вӧлӧма туясян-корсьсян экспедицияын начальникӧн. Быдмӧма Красноярск крайын Партизан районса Мина посёлокын, кӧні [[1970-ӧд во]]ын помалӧма школа. [[1974-ӧд во]]ын вит вылӧ помалӧма Абаканын искусствояс училишӧ «Асшӧр хорӧн веськӧдлысь» специальносьт серти. [[1979 во]]ын помалӧма Ленинградын Н. К. Крупская нима канмуса культура институт «Роч йӧзкостса хорӧн веськӧдлысь» специальносьт серти. Велӧдчигас жӧ сьылӧма эстраднӧй оркестрын Капранов нима культура дворечын. [[1979-ӧд во]]сянь уджалӧ [[Уква]] карын: медводз мусир перйысьяслӧн Шӧр культура керкаын, сэсся культуралӧн карса дворечын.
 
[[2004-ӧд во]]ын гӧрд дипломӧн помалӧма ӧнія искусствояслӧн Москваса институт «Эстраднӧй вокал сьылысь да велӧдысь» специальносьт серти. Уджалӧма «Газпром трансгаз Ухта» ичӧт кывкутана котырын йӧзкӧд йитӧд кутан юкӧдын.<ref>[http://www.uhta24.ru/novost/?id=1953 24 октября в Ухте состоялся концерт, посвященный 30-летию творческой деятельности Любови Петровны Розе // Ухта 24 сайт (рочӧн; 2009.10.29 лун)]</ref>
 
Кулӧма [[2018-ӧд во]]ся [[лӧддза-номъя тӧлысь 21-ӧд лун]]ӧ.<ref>[https://komiinform.ru/news/166003/ В Ухте скончалась известная композитор и исполнитель Любовь Розе // «Комиинформ» юӧр сетан агентство (2018.06.23 лун; рочӧн)]</ref>
 
== Сьылӧм ==
Стажируйтчылӧма Канмуса войвыв роч йӧзкостса хорын ([[Кардор]]), М. Е. Пятницкий нима канмуса роч йӧзкостса хорын ([[Москва]]), О. Сорокин веськӧдлӧм улын ансамбльын челядь хорӧн сьылӧм серти.
 
Кыдзи сьылысь дасьтӧма некымын асшӧр концерт. Лӧсьӧдӧма 30 сайӧ сьыланкыв: «Поклон великим землякам», «С юбилеем, Ухта родная», «Мы первопроходцы», «Газовики народ особый», «Нас называют нефтяными королями», «Живи и здравствуй республика моя» да мукӧд. Йӧзӧдӧма 11 компакт-диск, на лыдын нёльыс асшӧр. Сьылӧма коми сьыланкывъяс (шуам, «Лэбӧ лунвылӧ тури)»
== Наградаяс ==
9553

правки