Руч: версиякостса торъялӧм

Пытшкӧссӧ чышкӧма Пытшкӧссӧ содтӧма
Вежӧмсӧ гӧгӧрвоӧдӧмыс абу
Вежӧмсӧ гӧгӧрвоӧдӧмыс абу
Визь 14:
== Сёян ==
Кыйсьӧ-ветлӧ югдігӧн водз асывнас да рытнас рӧмдан кадӧ. Кыйдӧссӧ куталӧ вӧтлысьӧмӧн, либӧ гусьӧникӧн матыстчӧмӧн, медым тшапкыны позйын пукалысь пӧткаӧс. Пӧткӧдчӧ вӧрса да ыбвывса шыръясӧн. [[Тӧв|Тӧвъяснас]], кор лымйыс джуджыд да шыръясӧс судзӧдны оз вермы, [[кӧч|кӧчьяс]] вылӧ вуджӧ, а сідзжӧ корсялӧ репассӧ, лым улӧ узьмӧдчӧм [[сьӧла|сьӧлаясӧс]] да [[тар|таръясӧс]]. Сёйлывлӧ и лежнӧглысь вотӧссӧ.
 
Туялысьяслӧн висьталӧм серти, вӧрса ручьяслӧн нэмыс сӧмын 6 во, но морт ордын видзигӧн пӧ овлывлӧны 45 арӧсӧдз. Ручлысь нэмсӧ дженьдӧдысьяс лыдӧ пырӧны, кыйсьысь йӧзысь ӧтдор, [[кӧин]], [[сан]], [[вӧркань]], [[кутш]] да [[варыш]]. Вӧр-валы ручсянь лёкыс петӧ [[кӧч|кӧчьясӧс]] да яг выв пӧткаясӧс сёйӧм вӧсна, а бурыс сыын, мый куталӧ шыръясӧс.
 
Пӧтмӧныс сылы колӧ кыйны 15 гуджгысь-йирысьӧс, а во чӧжӧн вермӧ бырӧдны куим сюрсӧдз. Йӧзлы зэв колана ручлӧн дона куыс. Та серти гӧна куа ловъяс пӧвстын сійӧс донъялӧны-пуктӧны нёльӧд местаӧ.
 
== Поздйысьӧм ==
Пышъялан кадыс ручлӧн [[рака тӧлысь|рака]] да [[косму тӧлысь|косму тӧлысьясын]]. Айяссӧ эньыс чуксалӧ омлялігтыр увтышталӧмӧн. Найӧ чукӧртчӧны нёль-ӧ-витӧдз да тышкасьӧны эньыс вӧсна. Нӧбасян кадыс кыссьӧ кык [[тӧлысь|тӧлысьӧдз]]. Вайсьӧм водзвылас руч гозъя корсьӧны сьӧд вӧрысь кос места. Пу вужъяс улӧ либӧ джуджыд сён пӧкатӧ кодйӧны пырмӧс. Гуас пыран розьсьыс ӧтдор вӧчӧны нӧшта гоз-мӧд петанін. Кызвыныслӧн чужӧ 4–6 пи, но позтырас корсюрӧ овлывлӧ и дас кыкӧдз. [[Вежон]] мысти ручпиян синмасьӧны. Тӧлысь да джын тырӧм бӧрын найӧ петавлӧны нин позсьыс, медым ортсын ворсыштны да вильшасьыштны. Повзясны кӧ мыйыськӧ, чардби моз дзумгысясны гуас. Куим-ӧ-нёль тӧлысь мысти эновтӧны быдманінсӧ, а арланьыс позтырыс разалӧ. Кык арӧс тыригӧн том ручьяс пондӧны тӧждысьны ассьыныс котыр лӧсьӧдӧм вӧсна.
 
== Рӧдвуж кывйын ==
[[Перымса комияс]] шуӧны вӧрпасӧ миян моз жӧ «ручӧн». Нимыс зэв важся. Весьтасъясыс эмӧсь пӧшти быд ӧнія рӧдвуж кывйын: [[удмуртъяс]]лӧн — «ӟичы», [[мари]]лӧн — «рывыж», [[эрзя (войтыр)|эрзя]]—[[мокша (войтыр)|мокшалӧн]] — «ривезь», [[финъяс|суомияслӧн]] — «репо», [[маддяръяс]]лӧн — «рока».
 
== Ӧшмӧсъяс ==
Босьтӧма "https://kv.wikipedia.org/wiki/Руч"-ысь