Висер (Эжва вож)

Висер (рочӧн Вишера) — тайӧ Коми республикаын ю (247 км), Эжва юлӧн веськыд вож.

Висер
Кузьта 247 км
Файл:Висер (Эжва вож).jpg
Висер ю Кöрткерöс районса Выльыб грезд весьтын ытва дырйи (2011 во)

Висер юлöн кузьтаыс 247 км, ковтысыслöн ыдждаыс — 8 780 км². Юас ваыс содö ёнджыкасö лым сылöмысь. Висер ю кынмалö вӧльгым тӧлысьö, йиыс воссьö косму тöлысь помын. Вонас шöркодя ваыс визувтö — 79,1 м³/сек (Лунь грезд весьтын).

Висерлöн медыджыд вожъяс — Пугдым, Ньывсер (шуйгаладорас).

Висер петö Сiмдор ты бокса нюръяссянь. Висер йылыс визувтö ёнджыкасö асыввылö, Пугдым вомянь неуна улынджыксянь бергöдчö лунвылö.

Висер ю йылын пöшти оз овны. Ньывсер вомсянь улынджык эм ШойнатыОдыб чорыд туй. Висер ю бокö пусьöмаöсь Ыджыдвидз да Висер сиктъяс да на улö пырысь грездъяс: Лунь, Сюзяыб, Зулӧб, Выльыб, Джиян.

Висер усьö Эжваö Кöрткерöс районса Шойнаты сиктсянь неылын. Ньывсер ю вомöдз позьö катны ыджыд пыжöн, жар гожӧмъяс дырйи — вывтi ляпкыд.