Гущин Николай Фёдорович

Гущин Николай Фёдорович
Чужан лун:	1921-ӧд вося ӧшым тӧлысь 14-ӧд лун(1921-12-14)
Чужанін:	Орский уезд[d], Оренбургская губерния[d]
Кулан кад:	1944-ӧд вося лӧддза-номъя тӧлысь 12-ӧд лун(1944-06-12) (22 арӧс)
Куланін:	Яссы[d], Румыния
Канму:	Сӧветскӧй Социалистическӧй Республикаяслӧн Союз
Мыйся уджыс:	офицер, учитель
Ошканпасъяс да премияяс:

Гущин Николай Фёдорович (1921—1944) — Комиысь Сӧветскӧй Союзса Герой (1945).

Олан туй

Николай Гущин чужӧма Оренбург обласьтса Кандуровка сиктын 1921-ӧд вося ӧшым тӧлысь 14-ӧд лунӧ роч крестянин семьяын.

1932-ӧд воын семъясӧ ыстӧмаӧсь Войвылӧ - веськалӧмаӧсь Коми АССР-са Железнодорожнӧй (ӧні - Княжпогост) районса Выль Ордым посёлокӧ. Велӧдчӧма емвабокса вӧр посёлокса школаясын, а бӧръя вит восӧ Серегыбса шӧр школаын, помалӧма война водзвылын. Пырӧма велӧдчыны Коми канмуса педагогика институтӧ, но регыд вуджӧма заочнӧй юкӧнӧ. Уджалӧма Выльгортса шӧр школаын, велӧдӧма история. Тані гӧтрасьӧма Ася Фёдорова вылӧ. Гӧрд Армия босьттӧдз инструкторалӧма Железнодорожнӧй районса исполкомын физкультура да спорт юкӧнын.

Айму вӧсна Ыджыд тыш кадӧ

1942-ӧд во ода-кора тӧлысь 12-ӧд лунӧ сійӧс босьтӧмаӧсь армия Железнодорожнӧй райвоенкоматӧн. Айму вӧсна Ыджыд тышын 1942-ӧд вося вӧльгым тӧлысьсянь. Волхов фронтын младшӧй сержант Гущин командуйтӧма стрелковӧй юкӧнӧн. 1943-ӧд воын армияса курсъяс бӧрын веськӧдлӧма стрелкӧвӧй взводӧн. Форсируйтӧмаӧсь Днепр, мездӧмаӧсь Черкассы кар Степса фронтын.

Повтӧмлун петкӧдлӧма Мӧд Украинаса фронтын 1944-ӧд вося рака тӧлысьын.

Кулӧма 1944-ӧд вося лӧддза-номъя тӧлысь 12-ӧд лунӧ. Гуалӧма Румынияын Яссы карса ӧтувъя гуын.

Наградаяс

• Сӧветскӧй Союзса Герой почёт ним (1945.03.24)
• Ленин орден (1945.03.24)
• Гӧрд кодзув (1945.03.24)

Ӧшмӧсъяс

• «Герои страны» проектын Н.Ф. Гущин йылысь