Захаренко Ангелина Михайловна
Захаренко Ангелина Михайловна (1946—2018) — Россияса нимйӧза велӧдысь (2008), общественнӧй удж вӧчысь.
Олан туй вежны
Ангелина Захаренко чужӧма 1946-ӧд вося тӧвшӧр тӧлысь 1-ӧд лунӧ Кӧрткерӧс районса Шойнаты сиктын. 1970-ӧд восянь уджалӧма сэтчӧс школаын,1980-ӧд восянь веськӧдлӧма велӧдчанінӧн.
Сылӧн веськӧдлігӧн Шойнатыса школаын восьтӧмаӧсь прогимназия да видз-му нырвизя классъяс, а 2001-ӧд воын — 20-ӧд номера училишӧлысь филиал.
Водзмӧстчысь ань зільӧма коми кыв видзӧм-сӧвмӧдӧмын, вӧлӧма 8-9 классъясын велӧдчысьяслы небӧг дасьтысьяс пиысь ӧтиӧн.
Кулӧма 2018-ӧд вося йирым тӧлысь 14-ӧд лунӧ.[1] Гуалӧма шойнатыса шойнаын.
Общественнӧй удж вежны
Ангелина Захаренко тӧдса кыдзи зіль да водзмӧстчысь общественник. 1996-ӧд воын пырӧдчылӧма Венгрияын Фин-йӧгра войтыр II Ставмирса конгрессӧ.
Водзмӧстчӧма «Коми войтыр» ӧтмунӧмын, Коми Республикаса вужвойтыр аньяслӧн котырын, Коми Республикаса Общественнӧй палатаын.
Сійӧс бӧрйывлӧмаӧсь сиктса да районса сӧветъясӧ депутатӧн.