Леканов Василий Дмитриевич

Леканов Василий Дмитриевич
Чужан лун:	1918-ӧд вося рака тӧлысь 13-ӧд лун(1918-03-13)
Чужанін:	Абъячой, Усть-Сысольск уезд, Вӧлӧгда губерния, РСФСР[d] Усть-Сысольск уезд, Вӧлӧгда губерния, РСФСР[d]
Кулан кад:	1989-ӧд вося тӧвшӧр тӧлысь 18-ӧд лун(1989-01-18) (70 арӧс)
Куланін:	Сыктывкар, Коми Автономнӧй Сӧветскӧй Социалистическӧй Республика, РСФСР[d], Сӧветскӧй Социалистическӧй Республикаяслӧн Союз
Канму:	Сӧветскӧй Социалистическӧй Республикаяслӧн Союз
Мыйся уджыс:	актёр, режиссёр, гижысь, драматург

Леканов Василий Дмитриевич (1918—1989) — коми гижысь, драматург, актёр, режиссёр.

Олан туй

Василий Леканов чужӧма Вӧлӧгда губерняысь Усть-Сысольск уездса Абъячой сиктын 1918 вося рака тӧлысь 13-ӧд лунӧ (важ ногыс — урасьӧм тӧлысь 28-ӧд лунӧ). Петкӧдчӧма театральнӧй самодеятельносьтын, а сэсся пырӧма велӧдчыны Коми республикаса Драма театр бердса студияӧ.

1938 восянь 1943 воӧдз велӧдчӧма А.В. Луначарский нима театрса искусствояслӧн канму институтын. Сыкӧд тшӧтш велӧдчисны мукӧд коми ворсысь: Глафира Сидорова, Юлия Трошева, Николай Турубанов, Василий Рассыхаев и с.в. Уджалӧма республикаса драма театрын актёрӧн. 1946—1949 воясӧ вӧлӧма Кулӧмдін колхозса театрын художествоа веськӧдлысьӧн. 1971—1978 воясӧ В.Д. Леканов — Коми АССР-са гижысь котырын Правленньӧса веськӧдлысь.

Куліс Сыктывкарын 1989 вося тӧвшӧр тӧлысь 18-ӧд лунӧ.

Ворсан удж

Драма театрын ворсӧма татшӧм рольяс: Фердыщенко (Ф. Достоевскийлӧн «Идиот» роман серти), Никон (А. Писемскийлӧн «Горькой судьбине» серти), коми авторъяслысь геройяссӧ.

Гижан удж

Василий Леканов пуктӧма ыджыд пай коми драматургия да театр сӧвмӧмӧ. Гижӧма 20 сайӧ гижӧд (драма, комедия, челядьлы пьеса-мойд).

«Курсъяс бӧрын» медводдза ӧти акта пьеса йӧзӧдӧм бӧрын (1950) лӧсьӧдіс «Ася» (1951), «Ӧтменитӧм приказ» (1953). Уна во уджаліс лирическӧй комедия жанрын. «Сиктса рытъяс» (1954) лирическӧй комедия вӧлі пуктӧма СССР-са уна театрын. Драма театрын комиӧн пуктӧма Иван Аврамов. Комедиясӧ роч кыв вылӧ вуджӧдіс А. Успенский; рочӧн медводз пуктіс Е. Калининский, а сэсся режиссёр М. Красильников. Пьесасӧ сэсся вӧлі вуджӧдӧма СССР-са мукӧд кыв вылӧ. Тайӧ комедия бӧрас Василий Леканов йылысь кутісны тӧдны уналаын.

Мукӧдлаын сідзжӧ вӧлі пуктӧма сылысь «Джуджыд потшӧс сайын» пьеса. Драматурглӧн медбӧръя пьесаяс лыдысь — «Парма дойяс» (1988) гижӧма история тема вылӧ.

В. Леканов гижӧма 10 пьеса, дас ӧтиӧдыс — «Мужики» — помавтӧм. Квайт пьсеса пуктӧма сцена вылын.

1959 восянь пырӧ СССР-са Гижысь котырӧ.

Небӧгъяс

• Пьесаяс. — Сыктывкар, 1978.
• Горш тулыс. Пьесаяс. — Сыктывкар, 1982.
• Ар — гӧтрасян кад. Пьесаяс. — Сыктывкар, 1988.

Наградаяс

• РСФСР-са культураын нимӧдана уджалысь (1978)
• Коми АССР-са нимӧдана артист (1948)
• Коми АССР-са искусствоясын нимӧдана уджалысь (1960)
• И.А. Куратов нима Коми АССР-са канму премия босьтысь (1976)

Ӧшмӧсъяс

• Куклина Р. Леканов Василий Дмитриевич // Республика Коми: энциклопедия: В 3 т. — Сыктывкар: Коми кн. изд-во, 1997. — Т. 2. — С. 195.
• Творческое наследие В.Д. Леканова — драматурга, режиссера, артиста: сборник материалов район. лит. конф. / МУК «Прилузская МЦБС», ЦМБ им. В.В. Юхнина; составитель Е.В. Казакова; отв. за выпуск Е.И. Беляева. — Объячево, 2013. — 48 с.
• Василий Дмитриевич Леканов (1918–1989) // Коми театр : время и люди. — Сыктывкар, 2013. — С. 18—19.