Межадор (Сыктыв район)


Межадор (рочӧн Межадор) – Коми республикаын Сыктыв районысь Межадор сикт овмӧдчӧминса шӧрсикт.

Межадор
Межадор
Му:  Рочму
Статус:  сикт
республика:  Коми республика
район:  Сыктыв район
Медводдза казьтыштӧм:  1586 во
Инлыдпасъяс:  61°09′06.2″ в. п. 50°19′50.67″ а. к. / 61.151722° в. п. 50.330742° а. к. (G)
Официал кыв  коми, роч
Олысьяс  90 морт (2007)
Час кытш:  UTC+3
Телефон код:  +7 8 2131
Пошта индӧс:  168110
Автомобиль код:  11, 111

Ним артмӧм вежны

Фольклор вежны

География вежны

Сикт пукалӧ Сыктыв ю бокын, Визин юрсиктсянь 20 км сайын, Сыктывкар юркарсянь 68 км сайын.

Юкӧнъяс вежны

Официальнӧя сиктас 6 грезд:

Эм и мукӧд сиктпомъяс:

История вежны

  • 1586 — писцӧвӧй небӧгын медводдзаысь казьтыштӧма: «Межадор» погост, грездъяс — «Михалевская», «Яковлевская», «Андреевская», «Родионовская», «Ижмосов на ручью на Кинчашаре». Квайтнанас вӧлӧма 25 олан да 1 овтӧм кресьтяна овмӧс. Пасйӧма олысьяслысь овъяссӧ да прӧзвишӧяссӧ.
  • 1608 — Тані вӧлі 28 овмӧс, на лыдын 5 овтӧм (олысьясыс кулісны либӧ овмӧдчисны Камаӧ). Пасйӧма олысьяслысь овъяссӧ.
  • 1646 — «Андреевская» грездын кыпӧдӧма пу часовня. Грездъясын вӧлӧма 25 овмӧс. Некымын межадорса мунӧма Сибырӧ. Орччӧн лоӧма нӧшта на ӧти грезд — «Зилевская».
  • 1678 — став грездыс ӧтувтчисны ӧти овмӧдчанінӧ — «Межадор» погостецӧ, кӧні вӧлӧма 39 олан да 2 овтӧм овмӧс.
  • 1719 — «Межадор» погосткӧд орччӧн вӧлӧма некымын грезд: «Аныб», «Картасикт», «Грезд», «Морозова», «Ягдор», «Ижешор на ручью Кичаншоре». Наын вӧлӧма 24 овмӧс.
  • 1784 — «Межадор» пасйӧма сиктӧн, орччӧн 7 грезд: «Морозова», «Идитшар», «Картасикт», «Аныб», «Грезд», «Ягбар» («Ягдор»), «Рипицына».
  • 1901 — Сиктын воссис библиотека.
  • 1926 — Межадор сикт вӧлі артмӧ татшӧм грездъясысь: «Аныб», «Грезд», «Картасикт», «Малешорская», «Морозовская» («Межадор»), «Погост», «Сорд», «Утога», «Ыджыдшор», «Ягдор». Наын вӧлі 416 овмӧс, 1678 морт. На кындзи вӧліны пӧчинӧкъяс.
  • 1929, косму тӧлысь — Межадор сикт сӧветын 7 овмӧс подув вылын лӧсьӧдӧма «Выль олӧм» коммуна: во помас сыкӧд ӧтувтчис видз-му товарищество (4 овмӧс). 1933 вося рака тӧлысьӧ коммунаын вӧлі 32 овмӧс (96 морт). Коммуна йылысь рапортын гижӧма: «Семьи коммунаров помещаются в отдельных комнатах, столуются из общественных котлов, обед готовится из 3 блюд. Суп, уха, картошка, каша, молоко и др. с/х продукты. Кушают каждый из отдельного блюда 3 раза в день: 5 час. утра, 11 дня и 7 вечера...». 1935 воын коммуна пыдди лои видз-му артель.
  • 1931 — сиктын лӧсьӧдӧма челядь видзанін.
  • 1956 — Межадор сикт сӧвет улӧ вӧлі пырӧны: Межадор сикт (Морозовская грезд), «Аныб», Грезд, Картасикт, Ластапом, Малешор, Сёрд, Тыдор, Утога, Шорсай, Ыджыд Шор да Ягдор грездъяс, Видзьяс, Нур, Понгорттуй да Ручкачой пӧчинӧкъяс, ГЭС посёлок.
  • 19661967 — Межадор сикт дорӧ ӧтувтӧма Ластапом грезд.
  • 1970 — Межадорын олӧ 415 морт, а став грездъясыскӧд ӧтув — 1050; 1979 — 174 да 965 морт; 1989 — 151 да 914 морт; 2000 — 107 морт (46 овмӧс) да 839 морт (325 овмӧс).

Йӧз вежны

Олысь лыд вежны

Вояс
1970 1979 1989 2000 2007
415 174 151 107 90

Межадорса овъяс вежны

Сиктса веськӧдлӧм вежны

Межадор сикт овмӧдчӧминлӧн шӧриныс меститчӧ Шорсайын. Веськӧдлан органыс - 7 морта сӧвет. Ӧти мортӧн быд грезд вӧсна кывкутӧ да ӧтиыс - юралысь.

Юралысьыс сиктас Давыдова Галина Ивановна.

Сӧветса депутатъяс:

  • Куликов А.А.
  • Раевская Р.Ю.
  • Шапоров В.П.
  • Шахова Л.В.
  • Якоб Л.М.

Ӧти депутатӧс межадорсаяс ыстӧны Сыктыв район сӧветӧ.

Артвидзӧм вежны

  • КР-са МЧС-лӧн ОГПС-15

Овмӧс да быт вежны

Видз-му овмӧс вежны

  • ООО «Межадорскӧй»
  • Крестянин-фермерлӧн овмӧс «Кольшор» (Хомутовскӧй Адам Вячеславович)
  • Крестянин-фермерлӧн овмӧс «Лигай Александр Леонтьевич»
  • Крестянин-фермерлӧн овмӧс «Мишарин Вячеслав Вячеславович»
  • Крестянин-фермерлӧн овмӧс «Морозов Виталий Васильевич»

Вӧр овмӧс вежны

  • Исаневса вӧрвидзанін

Вузасьӧм вежны

  • ООО «ВегаС», лавка (Раевскӧй Владимир Вениаминович)
  • ООО «Вотыс» лавка да пӧжасянін (Надеев Василий Васильевич)
  • «Парма», лавка (Раевскӧй Владимир Вениаминович)
  • Потребительскӧй котыр «Югӧр», лавка (Жданова Тамара Александровна)

Могмӧсъяс вежны

  • Пельшӧра-акушера пункт
  • Пошта йитӧдлӧн юкӧн
  • Рочму Сбербанклӧн филиал
  • Сыктывкарса филиаллӧн Сыктыв юкӧнса йитӧд могмӧс вӧзъянін
  • «Тепловодоканал» ВАК-лӧн котельнӧй

Культура да велӧдӧм вежны

  • Библиотека
  • Краеведческӧй музей
  • Культура керка
  • И.П. Морозов нима музей
  • Муниципалитетувса подув школа, 9 класс
  • Муниципалитетувса школаӧдз велӧдан-быдтанін «Сьӧлӧмшӧр»
  • Учебно-опытнӧй овмӧс «Межадорскӧй» (А.А.Католиков нима 1№-а челядькерка-школа)

Велӧдӧмлӧн история вежны

  • 18461851 воясӧ Межадорын вӧлі школа, кодӧс сэсся вуджӧдісны Визин сиктӧ.
  • 1860 — воссис приходса школа.
  • 18831884 — воссис земскӧй училишӧ.

Тӧдчана йӧз вежны

Тӧдчана эмторъяс вежны

Ӧтуввез вежны

Ӧшмӧсъяс вежны

  • Атлас Республики Коми. – Москва, 2000.
  • Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
  • История Коми с древнейших времен до конца XX века: В 2-х т. / Под общей редакцией А.Ф. Сметанина. – Сыктывкар, 2004.
  • Республика Коми: Административно-территориальное деление на 1 августа 1992 г. Издание пятое. – Сыктывкар, 1992. – 175 с.
  • Республика Коми: Энциклопедия. – Сыктывкар, 1997-2000. – Т. 1-3.
  • Сыскина В.Д. Межадор сикт важ кадсянь 1917-ӧд воӧдз. Санкт-Петербург - Павловск, 2011. 32 с.

Ыстӧдъяс вежны