Мишарин Алексей Иванович

Шаблон:Серпасыс абу

Мишарин Алексей Иванович
Чужан лун:

1903-ӧд вося рака тӧлысь 16-ӧд лун(1903-03-16)[1]

Чужанін:
Кулан кад:

1977-ӧд вося моз тӧлысь 18-ӧд лун(1977-08-18) (74 арӧс)

Куланін:
Канму:
Мыйся уджыс:

хирург

Ошканпасъяс да премияяс:
Социалистическӧй Уджвывса Герой Почёт орден

Мишарин Алексей Иванович (19031977) — хирург, Социалистическӧй Уджвывса Герой, Коми АССР-са да РСФСР-са нимӧдана бурдӧдысь.

Олан туй вежны

Алексей Мишарин чужӧма 1903 вося рака тӧлысь 16-ӧд лунӧ Вӧлӧгда губерняысь Усть-Сысольск уездса Ыджыдвиддзын (ӧні — Коми Республикаын Кӧрткерӧс районса Ыджыдвидз сикт). Семьяас кӧкъямыс воксьыс вӧлӧма медічӧтӧн. Сылӧн рӧдвуж Ефим Мишарин, коді веськӧдлӧма медводз сёян-юан чукӧртӧм вӧсна органӧн, а сэсся Коми обласьтса Исполкомӧн, отсалӧма воӧдчыны Алексейлы Югдінӧ да пырны велӧдчыны рабфакӧ.

1922 воын пырӧма велӧдчыны Москва канмуса университетлӧн медицина факультетӧ. Велӧдчӧма Москваын ординатураын. 1932 восянь уджалӧма Сыктывкарын хирургӧн, 1934 восянь — хирургия юкӧнӧн веськӧдлысь. Сійӧс шуӧны Коми муын хирургия служба панысьӧн.

1941-ӧд вося сора тӧлысьӧ Сыктывкарса военкомат босьтӧма сійӧс Гӧрд армияӧ. Айму вӧсна Ыджыд тыш кадӧ вӧлӧма войнаса госпитальясын хирургӧн. Медицина службаса майор. 1946-ӧд восянь 1967-ӧд воӧдз веськӧдлӧма республикаса бурдӧдчанінын хирургия юкӧнӧн.

Кулӧма 1977 вося моз тӧлысь 18-ӧд лунӧ Сыктывкарын.

Удж вежны

Алексей Иванович ёна ветлӧдлӧма Коми сикт-грездъясті, отсалӧма том хирургъяслы, ачыс вӧчӧма уна сьӧкыд операция.

Дзоньвидзалун видзан служба котыртӧмӧ ыджыд пай пуктӧмысь да асшӧр ыджыд пайысь 1966 воын А.И. Мишаринлы сетӧма «Социалистическӧй Уджвывса Герой» ним.

Наградаяс вежны

Алексей Иванович Мишаринӧс бурдӧдысьяс пиысь медводдзаӧн пыртӧма Коми АССР-са Удж Слава небӧгӧ.

Ӧшмӧсъяс вежны

  • [1]Сивкова А. Ясный след на глубоком снегу // Книга Памяти Республики Коми. — Сыктывкар, 1997. — Т.5. — С.863.
  • [2] Мишарин Алексей Иванович // Книга Памяти Республики Коми. — Сыктывкар, 2004. — Т.10. — С.606.

Ыстӧдъяс вежны

  1. http://www.warheroes.ru/hero/hero.asp?Hero_id=23195