Палкин Леонид Николаевич

коми поэт, гижысь, журналист (1932-2007)

Шаблон:Серпасыс абу

Палкин Леонид Николаевич
Чужан лун:

1932-ӧд вося вӧльгым тӧлысь 28-ӧд лун(1932-11-28)[1][2]

Чужанін:
Кулан кад:

1999-ӧд вося рака тӧлысь 2-ӧд лун(1999-03-02)[1][2] (66 арӧс)

Канму:
Мыйся уджыс:

поэт, гижысь, журналист

Палкин Леонид Николаевич (19321999) — коми поэт, гижысь, журналист.

Олан туй вежны

Леонид Палкин чужӧма Коми (Зыряна) асвеськӧдлан обласьтысь Удора районса Жук (рочӧн Георгиево) грездын 1932-ӧд вося вӧльгым тӧлысь 28-ӧд лунӧ.

Сизимӧд классянь пырӧма уджавны Удора районса исполкомӧ. 1949-ӧд воын помалӧма Косланса шӧр школа да пырӧма велӧдчыны 1 №-а Сыктывкарса ремесленнӧй училишӧӧ, кӧні босьтӧма рулевӧй да столяр-плотниклысь специальносьтъяс. Сёрӧнджык помалӧма штурманъяслысь курсъяс да уджалӧма капитанлы отсасысьӧн Войвыв юяслӧн пароходствоын. 1953-ӧд восянь служитӧма Сӧветскӧй Армияын. Воӧм бӧрас уджалӧма боцманӧн паракодъяс вылын.

1959-ӧд воянь Леонид Палкин уджалӧма «Югыд туй» газетын литературнӧй сотрудникӧн. Сэсся уджалӧма Удора районса «Выль туйӧд» газетын, вӧлӧма районса радиовещаниеын редакторӧн.

Кулӧма 1999-ӧд вося рака тӧлысь 2-ӧд лунӧ.

Гижан удж вежны

Косланса школаын велӧдчигӧн ветлӧдлӧма «Пионеры Удоры» литературнӧй кружокӧ. Тані жӧ гижӧма медводдза кывбуръяссӧ. На пиысь ӧтиӧс йӧзӧдлӧма 1949-ӧд воын «Войвыв кодзув» журналын. Тайӧ жӧ журналас 1949-ӧд воын петӧны сылӧн и мукӧд кывбурыс.

Леонид Палкин петкӧдлӧма асьсӧ кыдзи журналист да гижысь. Гижӧма кывбуръяс, висьтъяс, очеркъяс. Сылӧн артмисны челядьлы неыджыд гижӧдъяс, кодъясӧс рочӧдӧма войвыв вӧр-ва сьылысь В.С. Журавлёв-Печорский (вуджӧдӧмъясыс пырисны «Таёжное чудо» небӧгӧ). «Лесной чай» небӧгын автор гижӧмас, мый «эта книга, если говорить образно, родилась на природе, где я то с удочкой, то с фотоаппаратом провожу своё свободное время».

Палкинлӧн петавлӧма нёль небӧг комиӧн да кык небӧг рочӧн («Таёжное чудо», «Лесной чай»).

Небӧгъяс вежны

Ӧшмӧс вежны

Ыстӧдъяс вежны

  1. 1,0 1,1 1,2 1,3 http://www.ksosh.ru/index.php/istoriya-ou/znamenitye-vypuskniki/175-palkin-leonid-nikolaevich
  2. 2,0 2,1 2,2 2,3 http://usogorsk.ucoz.com/Dimova/usosh.dimova_n.p-statja_v_aspekt..pdf