Тӧвся Олимпиада ворсӧмъяс (2018)

Тӧвся Олимпиада ворсӧмъяс (2018) (англичан 2018 Winter Olympics, франсуз Jeux Olympiques d'hiver de 2018, официальнӧй ним XXIII тӧвся Олимпиада ворсӧмъяс) — войтыркостса спорт чукӧртчӧм, коді лоас Пхёнчханын (Корея) 2018 воӧ урасьӧм тӧлысь 9-ӧдзсянь урасьӧм тӧлысь 25-ӧд лунӧдз.

Кар бӧрйӧм вежны

История вежны

Олимпиада вылӧ ассьыныс спортсменъясӧс ыстӧмаӧсь 92 страна. Ворсӧмъяслӧн талисман — Сухоран тигрпи, Паралимпиада ворсӧмъяслӧн — Пандаби ошпи.

Олимпиада ворсӧмлӧн би эстафета пансьӧма 2017-ӧд вося йирым тӧлысь 24-ӧд лунсянь Грециясянь. Медводдзаӧн факелӧн котӧртӧма Грецияысь лызьӧн котралысь Апостолос Ангелис, коді вуджӧдӧма эстафетасӧ Лунвыв Кореяысь футболӧн ворсысь Пак Чжи Сунлы. Факелӧн странаті котӧртӧма 7 500 морт, би пыралӧма 17 карӧ да провинцияӧ. Маршрутлӧн кузьтаыс — 2018 километр.

Тӧвся Олимпиадаын ордйысисны 7 спорт сикасын да 15 спорт дисциплинаын:

  • конькиӧн котралан куим сикас — фигурнӧя ислалӧм, конькиӧн котралан спорт да шорт-трек;
  • лыжиӧн котралан квайт сикас — горнолыжнӧй спорт, лыжи спорт, фристайл, лыжнӧй двоеборье, трамплинсянь чеччалӧм да сноуборд;
  • бобслейын кык сикас — бобслей да скелетон.
  • а сідзжӧ: биатлон, кёрлинг, хоккей да даддя спорт.

Войтыркостса олимпиада комитет ворсӧмъясӧ пыртӧма 6 выль дисциплина: Сноубордын — «биг-эйр» (айловъяс да аньяс); Конькиӧн котралӧмын — масс-старт (айловъяс да аньяс); Кёрлингын — «Дабл-микст»; Горнолыжнӧй спортын — «командаа ордйысьӧм».

Олимпиада комитет бырӧдӧма кык дисциплина: сноубордын параллельнӧй слалом (айловъяс да аньяс). Пхенчханын ордйысьӧмаӧсь 102 комплект медаль вӧсна.

Квайт страна тӧвся ворсӧмъясӧ пырӧдчӧма медводдзаысь: Косово Республика, Малайзия, Нигерия, Сингапур, Эквадор да Эритрия.

Россия Олимпиадаын вежны

Сы бӧрын, кыдзи Россияӧс мыждісны допингӧн вӧдитчӧмысь, Пхёнчханӧ мунісны 169 спортсмен, кодъяс петкӧдчисны 15 спорт сикасын. Найӧ петкӧдчисны «Россияысь олимпиадаса спортсменъяс» статусын.

Коми му Олимпиадаын вежны

Тӧвся Олимпиада вылӧ веськалісны Комиысь вит спортсмен: лызьӧн котралысьяс Алексей Виценко да Юлия Белорукова, конькиӧн ислалысь Дмитрий Алиев да коккейысь ворсысьяс Лиана Ганеева да Фануза Кадирова.[1] Лызьӧн нӧшта кык котралысь — Станислав Волженцев да Ольга Царёва — допингӧн вӧдитчӧмын мыждӧмысь эз веськавны Кореяӧ.

Медальяс юклӧм вежны

Страна Зарни Эзысь Ыргӧн Ставнас
Норвегия 14 14 11 39
Германия 14 10 7 31
Канада 11 8 10 29
АӦШ 9 8 6 23
Нидерландъяс 8 6 6 20
Швеция 7 6 1 14
Лунвыв Корея 5 8 4 17
Швейцария 5 6 4 15
Франция 5 4 6 15
Австрия 5 3 6 14
Япония 4 5 4 13
Италия 3 2 5 10
Россияса спортсменъяс 2 6 9 17
Чехия 2 2 3 7
Беларусь 2 1 0 3
Китай 1 6 2 9
Словакия 1 2 0 3
Финляндия 1 1 4 6
Ыджыд Британия 1 0 5 6
Польша 1 0 1 2
Венгрия 1 0 0 1
Украина 1 0 0 1
Австралия 0 2 1 3
Словения 0 1 1 2
Бельгия 0 1 0 1
Испания 0 0 2 2
Выль Зеландия 0 0 2 2
Казахстан 0 0 1 1
Латвия 0 0 1 1
Лихтенштейн 0 0 1 1
СТАВНАС 103 102 102 307

Ӧшмӧсъяс вежны

Ыстӧдъяс вежны

  Тӧвся Олимпиада ворсӧмъяс (2018)

  1. Республику Коми на Олимпиаде-2018 представят пять спортсменов // «Комиинформ» юӧр сетан агентство (2018.01.25 лун; рочӧн)