Юшков Геннадий Анатольевич

Шаблон:Серпасыс абу

Юшков Геннадий Анатольевич
Толь Гень Юшков
Чужан лун:

1932-ӧд вося рака тӧлысь 14-ӧд лун(1932-03-14)

Чужанін:
Кулан кад:

2009-ӧд вося ода-кора тӧлысь 20-ӧд лун(2009-05-20) (77 арӧс)

Куланін:
Канму:
Мыйся уджыс:

гижысь, поэт

Ошканпасъяс да премияяс:
заслуженный работник культуры Российской Федерации Почёт орден
Файл:Юшков Г.А.jpg
Юшков Геннадий Анатольевич (1932-2009) – коми гижысь

Юшков Геннадий Анатольевич (комиӧн Толь Гень, 19322009) – коми гижысь, Коми Республикаса нимйӧза гижысь (1991), Россияса культураын нимӧдана уджалысь (2000), Коми Республикаса Почёта гражданин.

Олан туй вежны

Геннадий Юшков чужӧма 1932 вося рака тӧлысь 14-ӧд лунӧ Сыктывдін районын Час сикт овмӧдчӧминса Сітбар грездын. Велӧдчӧма Сітбар да Час сиктса да 12–ӧд номера Сыктывкарса школаясын. Уджалӧма Коми республикаса радиокомитетын.

19531958 воясӧ велӧдчӧма М. Горький нима Литературнӧй институтын. 1958 восянь уджалӧма Коми АССР–са гижысь котырын литконсультантӧн, «Войвыв кодзув» журналын кывкутысь секретарӧн.

19781992 воясӧ веськӧдлӧма Коми АССР–са гижысь котырӧн.

Кулӧма 2009 вося ода-кора тӧлысь 20-ӧд лунӧ Сыктывкарын, гуалӧма Гӧрд Затонса шойнаын.[1]

Гижан удж вежны

Геннадий Юшков тӧдса кыдз поэт, прозаик да драматург. Медводдза «Мирлӧн асыв» кывбурсӧ йӧзӧдліс 1952–ӧд воын «Войвыв кодзув» журналын. 1959–ӧд воӧ петіc «Медводдза сёрни» кывбур чукӧр. Сэсся сьӧрсьӧн–бӧрсьӧн йӧзӧдіс «Сӧстӧм дӧрӧм», «Сьӧлӧм петас», «Кывбуръяс» да мукӧд небӧг.

Зэв уна кывбур вылӧ лӧсьӧдӧма сьыланкыв: «Маръямоль», «Коми ань» и с.в.

Уна во чӧж Коми республикаса драма да Коми Республикаса вужвойтырлӧн шылада-драмаа театръяслӧн сценаяс вылын петкӧдлӧны «Сизимӧд председатель» (1958), «Макар Васька – сиктса зон» (1963), «Кыськӧ тай эмӧсь» (1969) пьесаяс серти спектакльяс.

Аслас висьтьясын да повесьтъясын, «Чугра» (1981), «Рӧдвуж пас» (1988), «Бива» (1999) романъясын гижысь шыӧдчӧ йӧзкост олӧмын меддонатор дорас, восьтӧ коми мортлысь аслыспӧлӧс мывкыдлунсӧ.

Г. Юшковлысь гижӧдъяссӧ вуджӧдӧма роч да мукӧд кывйӧ.

1961 восянь СССР–са гижысь котырӧ пырысь.

Небӧгъяс вежны

Бӧрйӧм гижӧдъяс вежны

Романъяс вежны

Повесьтъяс да висьтъяс вежны

Пьесаяс вежны

Кывбур чукӧръяс вежны

Челядьлы вежны

Роч кыв вылӧ вуджӧдӧмӧн вежны

Общественнӧй да партийнӧй удж вежны

Геннадий Юшков ыджыд пай пуктіс Коми Республикаса общественнӧй олӧмӧ, коми йӧзлысь правояс дорйӧмӧ. 1989 вося ӧшым тӧлысь сійӧс вӧлі бӧрйӧма «Коми котыр» веськӧдлысьӧн, коді сэки шусис «Коми войтырӧс сӧвмӧдан комитет».

Г.А. Юшковӧс некымынысь бӧрйылісны Коми АССР-са Вылыс Сӧветӧ депутатӧн: 8 (19711975), 9 (19751980) да 10 созывӧ (19801985); веськӧдліс йӧзкостса велӧдӧм серти постояннӧй комиссияӧ.

Наградаяс вежны

Паметь вежны

  • «Маръямоль» сьылан да театральнӧй конкурс-фестиваль (Сыктывкар, 2007, рака тӧлысь 1–4 лунъяс).
  • «Маръямоль» сьылан да театральнӧй конкурс-фестиваль (Сыктывкар, 2012, рака тӧлысь 14–18 лунъяс).

Ӧшмӧсъяс вежны

Ыстӧдъяс вежны

  1. Республика Коми понесла невосполнимую утрату: скончался классик коми литературы Геннадий Юшков // «Комиинформ» юӧр сетан агентство (2009.05.21 лун; рочӧн)