Сизяб (Изьва район)

Сизяыб, Сизяб (рочӧн Сизябск) — Коми Республикаын Изьва районысь Сизяб сикт овмӧдчӧминса шӧрсикт.

Сизяб Сизябск
Му:	Рочму
Статус:	сикт
республика:	Коми республика
район:	Изьва район
Медводдза казьтыштӧм:	1728
Инлыдпасъяс:	65°04′ в. п. 53°51′ а. к.65.066667° в. п. 53.85° а. к. 65.066667, 53.85
Официал кыв	коми, роч
Олысьяс	1232 морт (2010)
Час кытш:	UTC+3+3
Телефон код:	+7 821 40
Пошта индӧс:	169464
Автомобиль код:	11, 111

Ним артмӧм

Сизяыб нимын кык юкӧн: Сизя да Ыб. Татчӧс йӧзыс шуӧны сиктсӧ Ыбӧн.

Кытысь лоӧма Сизя юкӧн? Коркӧ пӧ олӧма Сизь Кузьма. Сылӧн тані вӧлӧма ыб. Артмӧм оланін колӧкӧ и кутісны шуны Сизьыб. Рочьяслӧн небыд шыяс бӧрын ы оз ов, сійӧн найӧ кыласны Сизьыб пыдди Сизяб да содтасны роч суффикс -ск, лоис Сизябск. Татчӧс комияс водзӧ тӧдісны сиктсӧ Ыб нимӧн, а официальнӧй коми нимсӧ лӧсьӧдігӧн вӧлі вӧчӧма выль этимология Сизяыб, тадзи пӧ шуӧмаӧсь "яг вылын куйлысь ыб, кӧні уна сизь".

Ю сайын пукалысь Изьва сиктса олысьяс шуӧны мӧдлапӧвса Сизяыбсӧ Кересӧн, тайӧяслӧн муяс вылысджыкӧсь да.

География

Сикт пукалӧ Изьва юлӧн шуйга берегын, Ёль ю вомланьын, Изьва юрсиктлы паныдамоз.. Сизябсянь Изьва юрсиктӧдз 7 км.

Сизяыб сиктсянь лунвылас пукалӧ Брыка грезд, а сы сайын овмӧдчӧминса мукӧд оланін: Букур, Варыш да Ёль грездъяс. Сизяыбсянь войвылас 18 км ылнаын пукалӧ Мирскӧй грезд.

Файл:Sizayb 2.png

Семяшкин C.Г. Сизяыб, 2002.10.25. ИРИКМ фондъясысь

Файл:Sizayb 1.png

Семяшкин С.Г. Сизяыб, 2003.02.25. ИРИКМ фондъясысь

Сизяыб сиктын выйим татшӧм тӧдса инъяс:

• Базуй, Братскӧй Могила дор, Вичкодор, Гараждор, Детсаддор, Зимогор, Изамбардор, Казенӧй Чой, Каль, Клубдор, Куръядор, Кычаншорйыв, Маймукерӧс, Мыльквыв, Оленьгараждор, Памятникдор, Сахтадор, Сенькакеркадор, Скважинадор, Цехдор, Школадор, Шыдор

История

Сизяыбсӧ панӧма 1728 воын.

Олысь лыд

Грездын олӧны комияс

Вояс да олысь лыд
1782	1795	1816	1850	1859	1897	1905	1926	1970	1979	1989	2007	2010
464	606	832	1878	2154	2120	2637	1858	1614	1560	1406	1294	1232

Медводдза овъяс

• 1763 во — Канев, Сметанин, Семяшкин, Терентьев, Филиппов.

Ӧтуввез

• http://www.izhma.ru/about/settlement/26.html

Ӧшмӧсъяс

• Атлас Республики Коми. — Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Республика Коми: Энциклопедия. — Сыктывкар, 1997—2000. — Т. 1—3.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
• Изьва мулӧн ин нимъяс. Топонимия Ижемского района / Сост. Е.А. Хозяинова. — Изьва: МБУК «Ижемский районный историко-краеведческий музей», 2013. ISBN 978-5-7934-0535-5.

Ыстӧдъяс

Сизяб сиктувса оланінъяс
Ӧнія оланінъяс: Брыка • Букур • Варыш • Ёль • Мирскӧй • Сизяб •