Сісьтыдін (Удора район)

Сісьтыдін (рочӧн Патраково) – Удора районса Пыисдін сикт овмӧдчӧминын коми грезд.

Сісьтыдін Патраково
Му:	Рочму
Статус:	грезд
республика:	Коми Республика
район:	Удора район
Медводдза казьтыштӧм:	1678 во
Официал кыв	коми, роч
Олысьяс	12 морт (2007)
Час кытш:	UTC+3+3
Телефон код:	+7 8 2135
Пошта индӧс:	169263
Автомобиль код:	11, 111

Сісьтыдін грезд

Ним артмӧм

Сісьтыдін шусьӧ тадзи, мыйла сулалӧ Сісьты дорын. Рочӧн шусьӧ Патраково, медводдза олысь Патрак серти. Грездыс рочӧн коркӧ шусьӧма тшӧтш Пазозера.

География

Сісьтыдін грезд пукалӧ Мозын ю веськыдладорын.

Медматыс оланін, Пӧлянин грезд, пукалӧ Сісьтыдінсянь кывтыд 1,5 верст ылнаын. Овмӧдчӧмин сиктӧдз, Пыисдінӧдз колӧ мунны автотуй кузя 13 верст войвылӧ. Сісьтыдіныс - Пыисдін овмӧдчӧминса медся лунвывса грезд.

История

Грездыс артмӧма 1646ʼ во бӧрын. Медводз казьтыштӧма 1678ʼ воын (Патрекеевская, а Гнилое Озеро тож). Сэки кык овмӧссӧ кутӧмаӧсь пыисдінса Иван Патрак пиян, а куим овмӧсыс вӧлі йӧзтӧм, мунӧмаӧсь пӧ Яткаланьӧ. 1719ʼ воӧ Пазозераын вӧлі 4 овмӧс, кӧні олӧмаӧсь Бушеновъяс да Патраковъяс. 1926ʼ воӧ Сісьтыдінын 28 овмӧсын олӧмаӧсь 140 морт. 1930ʼ во кежлӧ тан вӧлі школа да гӧрд пельӧс.

Веськӧдлӧм

Сісьтыдін пырӧ Пыисдін сикт овмӧдчӧминӧ.

Йӧз

Сісьтыдін грездын олӧны комияс, сёрнитӧны комиӧн.

Олысь лыд

Вояс да олысь лыд
1926	1970	1979	1989	2007
140	111	52	31	12

Ӧшмӧсъяс

• Атлас Республики Коми. – Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. – Сыктывкар, 2004.
• Республика Коми: Энциклопедия. – Сыктывкар, 1997-2000. – Т. 1-3.

Ыстӧдъяс

Пыисдін сиктувса оланінъяс
Ӧнія оланінъяс: Латьюдін • Пони Пыисдін • Пӧлянин • Пыисдін • Сісьтыдін Коркӧя оланінъяс: