Троича вичко (Пожӧг)
Троича вичко
История вежны
19-ӧд нэмын Пожӧг сиктын кыптiс пуысь вӧчӧм вичко. Сиктын олысьяс, странаӧн веськӧдлысь отсӧгӧн (канму казнаысь вӧлi сетӧма деньга кирпичысь вичко вӧчӧм вылӧ) италияысь воӧм архитектор отсӧгӧн 1850-ӧд воын Эжва берег вылын заводитiсны вӧчны ыджыд вичко. Вӧчисны эз ӧдйӧ, 40 во чӧж. Пожӧг сиктын джуджыд берег йылын кыптiс ыджыдсьыс-ыджыд храм. Стенъяссӧ серпасалiсны нималана живописецъяс. Быд воскресеньӧ матысса грездъясын олысьяс волісны вичкоӧ.
1930-ӧд воын вичкосӧ жугӧдіс енлы паныд мунысь власьт. Вичко пытшкысь ставсӧ петкӧдісны, рӧзӧритiсны. Мукӧд енпӧвсӧ енлы эскысьяс удитiсны дзебны, мукӧдсӧ ставсӧ жугӧдiсны. 1939-ӧд воын вичко тупкисны. Службаяссӧ нуӧдiсны керкаясын. Вичкоын восьтiсны клуб. Бӧрынджык сэнi видзисны пызь.
2010-ӧд воын эскысь йӧзкӧд ӧттшӧтш вӧлі вӧчӧма войвывса вичко джынйыс. 3 во чӧж нин мунӧны уджъяс вичкосӧ выльысь вӧчӧм могысь.