Улыс Воч (Кулӧмдін район)

Улыс Воч (рочӧн Нижний Воч) – Коми Республикаын Кулӧмдін районысь Улыс Воч сикт овмӧдчӧминса сикт, пуксьӧма Воч юлӧн шуйга бокӧ.

Улыс Воч Нижний Воч
Му:	Рочму
Статус:	сикт
республика:	Коми республика
район:	Кулӧмдін район
Инлыдпасъяс:	61°12′ в. п. 54°10′ а. к.61.2° в. п. 54.166667° а. к. 61.2, 54.166667
Официал кыв	коми, роч
Олысьяс	513 морт (2007)
Час кытш:	UTC+3+3
Телефон код:	+7 8 2137
Пошта индӧс:	168083
Автомобиль код:	11, 111

История

Воч сиктыс артмис 1747-ӧд вося август 19-ӧд лунӧ, ревизияса кабалаясыс пасйӧдыс 1782-ӧд вося, кӧні шуӧма грездсӧ Большая Вочевская: 9 овмӧс — 50 олысь.

1859-ӧд воӧ Воч грезд: кӧні 33 овмӧс, 229 олысь (114 мужичӧй, 115 нывбаба). Тані сэки вӧлӧма ӧзын.

1892-ӧд воын воссьӧма вичкобердса школа и грездсӧ кутісны шуны Воч сиктӧн, кӧні олӧма 1150 олысь (636 мужичӧй, 514 нывбаба).

1900–1902-ӧд воясӧ стрӧитісны грунта туй Керчомъя сиктысь Воч сиктӧ.

1904-ӧд воӧ воссьӧма библиотека.

1916-ӧд воӧ кутіс шусьыны Улыс Воч, сійӧ лоис вӧлӧсьтлӧн шӧринӧн, кӧні лыддьысис 126 овмӧс, 578 морт (241 мужичӧй да 337 нывбаба).

1921-ӧд вося октябрын лӧсьӧдӧма женотдел.

1926-ӧд воын Улыс Вочын лыддьысис 152 овмӧс, 737 олысь (348 мужичӧй да 389 нывбаба).

1930-ӧд воын восьтісны фельдшер-акушер пункт, школа, видз-му коммуна, ньӧбасьысь-босьтасьысь котыр, госторглӧн агентство, ӧта-мӧдлы отсасьӧм кузя крестьяналӧн ӧтувъя комитет, милиция участок.

1941-45-ӧд воясӧ Айму вӧсна Ыджыд тыш дырйи сиктын ёна тшыгъялісны.

Олан пунктъяслӧн списокъясын 1959-ӧд восянь 1968-ӧд воӧдз сиктыс рочӧн шусис Нижняя Вочь.

1970-ӧд воын олӧма 1143 морт, 1979-ӧд воын — 625 морт, 1989-ӧд воын — 556 морт, 1995-ӧд воын — 585 морт.

2007-ӧд вося августын Улыс Воч овмӧдчӧминлы тырис 260 во.

Сиктса юралысьяс

Морохин Фёдор Евгеньевич — сиктсӧветса медводдза юралысь.

Морохин Василий Иванович.

Каракчеев Иван Фалалеевич. Уджаліс 10 во.

1956–1969 Касев Василий Дмитриевич (1929–1977)

Морохин Иван Петрович (1919–1971). 2 созывлӧн сиктсӧветса юралысь.

1971–1973 Морохин Вениамин Софронович

1973–1975 Морохин Николай Иванович

1975–1977 Морохин Николай Федорович

1981–1987 Морохин Иван Андреевич (1959 ч.в.)

1987–1993 Лютоев Анатолий Анатольевич (1958 ч.в.)

1993–2004 Морохина Александра Васильевна

2004–2008 Морохин Николай Федорович (1968 ч.в)

Медводдза овъяс

Сиктса нэмӧвӧйся олысьясӧн лоӧны Морохинъяс, Кочановъяс, Касевъяс.

Ӧшмӧсъяс

• Атлас Республики Коми. – Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
• Игнатов М.К. Взгляд сквозь годы. – Сыктывкар: Коми небӧг лэдзанін, 1998. – 224 с.
• Игнатов М.К. Усть-Куломский район: помни прошлое, зная настоящее, делай будущее (1620–2008). – Сыктывкар, 2009. – 366 с.
• История Коми с древнейших времен до конца XX века: В 2-х т. / По общей редакцией А.Ф. Сметанина. – Сыктывкар, 2004.
• Республика Коми: Энциклопедия. – Сыктывкар, 1997-2000. – Т. 1-3.