Читаёв (Луздор район)

Читаёв (рочӧн Читаево) — Коми Республикаын Луздор районысь Абъячой сикт овмӧдчӧмин улӧ пырысь сикт. 2016 воӧдз вӧлӧма Читаёв сикт овмӧдчӧминса шӧрсиктӧн.

Читаёв Читаево
Му:	Рочму
Статус:	сикт
республика:	Коми республика
район:	Луздор район
Медводдза казьтыштӧм:	1620 во
Инлыдпасъяс:	0°00′ в. п. 0°00′ а. к.0° в. п. 0° а. к. 0, 0
Официал кыв	коми, роч
Олысьяс	307 морт (2007)
Час кытш:	UTC+3+3
Телефон код:	+7 821 33
Пошта индӧс:	168141
Автомобиль код:	11, 111

География

Читаёвсянь Абъячой юрсиктӧдз 26 км.

Сиктыс юксьӧ тадзи:

• Миляшов грезд
• Молодёжнӧй улича
• Шӧр улича

История

• Читаёв сикт овмӧдчӧминӧ пырысь грездъяс медводзаысь казьтыштӧма 1620 воын: «Миляшево», «на Илгорте» (ӧні — Вевдорйывгорт), «Березник», «Екшер». Ставнас 20 овмӧдчанін, 51 овмӧс.
• XVII—XIX нэмъясӧ неыджыд грездъяс ӧтувтчалісны ыджыдджыкъяскӧд, XX нэм кежлӧ коли вит оланін.
• 1897 — Воссис начальнӧй училишӧ, 1903 — библиотека.
• 1918 — Читаёвын вӧлі 73 овмӧс, 378 морт; Миляшево грездын — 57 овмӧс, 326 морт; «Малый Выльгорт» грездын — 58 овмӧс, 332 морт; «Березник» грездын — 50 овмӧс, 257 морт; «Векшор» грездын — 48 овмӧс, 268 морт.
• 1926 — Читаёв сиктын 66 овмӧс, 361 морт; став витнан овмӧдчанінас — 295 овмӧс, 1561 морт.
• 1929 — Коми войтырлысь история туялысь Л.Н. Жеребцов серти, сиктын восьтӧма «Югӧр» коммуна.
• 1930 — Читаёвын вӧлі: фельдшерско-акушерскӧй пункт, школа, изба-читальня, му ӧтлан вӧдитан товарищество, видз-му коммуна, паракод сувтанін, милициа участок, кресьтяналы общественнӧй отсӧг сетан комитет.
• 2000 — Сиктын 134 овмӧсын, 486 морт, а Читаёв сикт администрация улӧ пырӧ 222 овмӧс, кӧні олӧ 664 морт.

2016 воын грездын пырӧма Абъячой сикт овмӧдчӧмин улӧ (2016 вося ода-кора тӧлысь 6-ӧд лунся 41-РЗ № Коми республикаса оланпас).

Олысь лыд

Грездын олӧны комияс.

Вояс да олысь лыд
1918	1926	1970	1979	1990	1992	1995	2000	2007
378	361	553	444	461	438	469	664	307

Овмӧс

1999 во вылӧ Читаёвын вӧлӧма «Абъячой» совхозлӧн юкӧн, нянь пӧжаланін, лавкаяс, пошта юкӧн, ФАП .

Культура

Сиктын эм Культура керка, клуб.

Велӧдӧм

1999 воын сиктын вӧлӧма челядь сад, школа-интернат, абу тыр шӧр школа.

Ӧшмӧсъяс

• Атлас Республики Коми. – Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. – Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. – Сыктывкар, 2004.
• Республика Коми: Административно-территориальное деление на 1 августа 1992 г. Издание пятое. – Сыктывкар, 1992.
• Республика Коми: Энциклопедия. – Сыктывкар, 1997-2000. – Т. 1-3.