Шесталов Юван Николаевич

Шесталов Юван Николаевич (1937–2011) – манси гижысь, поэт, СССР гижысь котырö пырысь (1962).

Олан туй

1937, лӧддза-номъя тӧлысь 22 лун – чужис Омск обласьтын Ӧстяк-Вӧгул национальнӧй кытшысь Берёзов районса Камратка грездын. Чужис колхозса веськöдлысьлöн семьяын. Збыль нимыс – Иван.
Берёзов шöр школа помалöм бöрын пырис велöдчыны Ленинградын А.И. Герцен нима педагогика институтса Войвыв вужвойтырлöн факультетö.
1962 – пырö СССР гижысь котырö.
1965 – помалiс Тюменьса педагогика институтысь филология факультет.
1967 – пырö КПССö.
ЮНЕСКО профессор; Югра канму университетын манси филология кафедраса профессор, веськöдлö лабораторияöн.
2011, вӧльгым тӧлысь 5 лун – кулiс.

Гижан удж

Юван Шесталов гижö манси да роч кывъяс вылын. Юван – сылöн гижан гуся нимыс (збыль нимыс – Иван). Медводдза кывбуръяссö Ю. Шесталов йöзöдiс 1957 воын ханты-манси округса «Ленинская правда» газетын.

Медводдза кывбур чукöр «Макем ат» (комиӧн: «Чужан му кöр») петiс 1958 воын.
Медводдза прозаа гижöд – «Синий ветер каслания» повесьт (1964).
Юван Шесталов – «Стерх» журналын да «Белый журавль» газетын медшöр редактор да небöг лэдзанiнын веськöдлысь.

Бура тöдö мансилысь фольклорсö да обычайяссö. Медшöр темаясыс – дзескöдöм войвывса вужвойтырлöн выль олöм, чужан вöр-ва. Сылысь гижöдъяссö вуджöдöма уна кыв вылö.

Небöгъяс

Йöзöдiс кывбура, прозаа да публицистикаа 40 сайö небöг:

Макем ат: стихи (Ханты-Мансийск, 1958)
Пойте, мои звёзды: Стихи. – Л., 1959.
Маньси павыл няврамытн. – Л., 1960.
Огонь на льду. – М., 1961.
Синий ветер каслания. – М., 1964.
Песня последнего лебедя: Поэмы. – М., 1969.
Языческая поэма. (1971).
Когда качало меня солнце (1972)
Сказки таёжного игрища. – М., 1972.
Югорская колыбель. 2 изд. – М., 1972.
Избранное / Вступ. ст. Ю. Прокушева. – Л., 1976.
Тайна Сорни-най. – М., 1976.
Огонь исцеления (1989).

Наградаяс да премиа

М. Горький нима РСФСР-са государственнöй премиа (1978) – «Языческöй поэма» небӧгысь (1971)
Уджвывса Гӧрд дӧрапас орден
Войтыръяслӧн ёрталун орден (1984)
медальяс

Шесталов Ю.Н. йылысь

Романенко Д. У могучих истоков. – М., 1963.
Солоухин В. Юван Шесталов – поэт манси // Молодая гвардия, 1971. – № 10.
Косихин В. Поэтическое каслание. Литературный портрет // Москва, 1972. – № 12.
Чепкасов Е.В. Художественное осмысление шаманства в произведениях Ю.Н. Шесталова. – СПб.: 2007.