Югов Степан Александрович
Югов Степан Александрович (1958—2004) — коми литература туялысь.
Олан туй вежны
Степан Югов чужӧма 1958-ӧд вося йирым тӧлысь 19-ӧд лунӧ Сыктыв районса Выльгрездын. 1976-ӧд воын Кебраса школа помалӧм бӧрас квайт во трактористалӧма, вӧлӧма «Кебра» совхозса бригадирӧн. 1982-ӧд воын пырӧма велӧдчыны Сыктывкарса канму университетса подготовительнӧй юкӧнӧ. Помалӧма филология факультетса коми отделениесӧ 1988-ӧд воын. 1988-ӧд воын лоӧма Коми наука шӧринса Кыв, литература да история институтын стажёром-туялысьӧн. 1990-ӧд воын уджысь орӧдчытӧг пырӧма велӧдчыны аспирантураӧ.
1997-ӧд воын Чувашияса университетын дорйӧма филологияса кандидат ним вылӧ диссертация челядьлы коми литература серти. Кыв, литература да история институтын уджалӧма литература да фольклор секторын старшӧй научнӧй сотрудникӧн.
Туялан удж вежны
Туялӧма коми челядь литература.
Коми литература йылысь пасйӧдъясыс петавлісны «Север» да «Войвыв кодзув» журналъясын, республикаса газетъясын.
1988-ӧд воын босьтчӧма комиӧдны челядьлы роч гижысьясӧс. Комиӧдӧма Каллистрат Жаковлысь мойдъяссӧ да Елена Габовалысь кык повесьт.
Туялан уджъяс вежны
- Югов С. А. Становление и развитие коми детской литературы: Автореф. дисс. ... к. филол. н. : 10.01.02 / Чувашский гос. ун-т им. И. Н. Ульянова. — Чебоксары, 1997. — 21 с.
- Челядьлӧн журнал // Войвыв кодзув. 1989. — 7 №. — Л.б. 63—64.
- Лӧз клянича // Войвыв кодзув. 1989. — 5 №. — Л.б. 57—58.
- Каллистрат Жаковлӧн мойдъяс // Войвыв кодзув. 1990. — 11 №. — Л.б. 63—64.
- Кӧч йӧктӧ, йӧктӧ... // Войвыв кодзув. 1994. — 11 №. — Л.б. 62—64.
- Поэтлӧн «ковмытӧм» кывбур // Войвыв кодзув. 1995. — 6 №. — Л.б. 76—78.
- Став олӧмсӧ — коми книгалы // Войвыв кодзув. 1998. — 4 №. — Л.б. 78—79.
- Быдмысь войтырлы козинъяс // Войвыв кодзув. 1999. — 6 №. — Л.б. 63—65.
- «Калевала» да коми литература // Войвыв кодзув. 2003. — 9 №. — Л.б. 70—72.
- Нёбдінса Виттор — челядьлы // Войвыв кодзув. 2003. — 12 №. — Л.б. 75—80.