Ӧлек (Кулӧмдін район)

Ӧлек (рочӧн Малый Аныб) – Коми Республикаса Кулӧмдiн районын Аныб сикт овмӧдчӧминö пырысь грезд.

Ӧлек
Му:	Рочму
Статус:	грезд
республика:	Коми республика
район:	Кулӧмдiн район
Медводдза казьтыштӧм:	1782
Инлыдпасъяс:	0°00′ в. п. 0°00′ а. к.0° в. п. 0° а. к. 0, 0
Олысьяс	1 морт (2007)
Час кытш:	UTC+3+3
Телефон код:	+7 8 2137
Пошта индӧс:	168064
Автомобиль код:	11, 111

География

Ӧлек пуксьöма Аныб юлöн веськыд берегö, Кулӧмдiн юрсиктöдз 46 км.

История

• Артмöма 1747 во бöрын. Медводдзаысь казьтыштöма 1782 вося IV ревизияса гижöдъясын. Сэки Малая Аныбская грездын кык овмöсын олöма 11 морт.
• 1859 – грездсö гижöма «выселок Аныб Малый» ним улын, кык овмöсын олöма 21 морт.
• 1892 – Мало-Аныбская грездын олöма 52 морт.
• 1926 – 24 овмöсын олöма 148 морт.
• 1938, 1940 да 1945 вося картаяс вылын грездсö пасйöма Эжъес юлöн веськыд берегын.
• 1956 вося списокын – Малый Аныб.

Олысь лыд

XX нэм помын Öлек грездса олысь лыд вежласис тадзи:

Олысьяслӧн лыд (СССР-ын йӧзӧс пасъялан вояс)
1782	1859	1892	1959	1959	1970	1979	1989	2000	2007
11	21	52	148	80	30	9	5	3	1

Ӧлекса овъяс

• Лобанов, Малев, Пименов

Öтуввез

• https://web.archive.org/web/20131207115231/http://xn----ttbdejohge1g.xn--p1ai/?page_id=348

Мукöдтор

• Öльöкын быд во чукöртчöны Кулöмдiнса пограничникъяс гажöдчыны. Шойччысьяссö вайö да нуö машинаöн Иван Ракин. Налы пуöны рок, ыджыд самöварын тшай. Пограничникъяс вермасьöны, казьтылöны армия вояс, сьылöны.
• Öльöкын уджалö «Рассвет» фермер овмöс, кодöн веськöдлö Л.Н. Вологжанина. («Парма гор» газет, 2011 во, ода-кора тöлысь 28 лун)
• Сыктывкарысь историк Павел Морозовлӧн «Ӧлек» небӧг сиӧма Кулӧмдін районса Дзоля Аныб грездлы да сэтчӧс войтырлы. Гижӧдыс юӧртӧ Лобановъяслӧн, Малевъяслӧн, Пименовъяслӧн вӧвлӧм олӧм йылысь. Кутшӧмӧн вӧлі XVIII – XX нэмъясын Дзоля Аныбсалӧн социально-экономическӧй, политика, экономика, культура нырвизьясын олӧмыс. Автор сетӧ вочакывсӧ архивысь унасикас юӧр да грездын вӧвлӧм олысьясӧн ӧнія кӧленалӧн казьтылӧмъяс подулын.

Öшмöсъяс

• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Республика Коми: Энциклопедия. — Сыктывкар, 1997—2000. — Т. 1—3.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
• Игнатов М.К. Взгляд сквозь годы. — Сыктывкар: Коми небöг лэдзанiн, 1998. — 224 с.
• Игнатов М.К. Усть-Куломский район: помни прошлое, зная настоящее, делай будущее (1620–2008). — Сыктывкар, 2009. — 366 с.
• Морозов П.Д. Ӧлек. История, культура и родословие деревни Малый Аныб. – Сыктывкар: Коми республиканская типография, 2022. – 200 с.

Ыстӧдъяс

Аныб сиктувса оланінъяс
Ӧнія оланінъяс: Аныб • Ӧлек •