1941–1945 воясӧ Айму вӧсна Ыджыд тышын бур уджысь (медаль)

«1941–1945 воясӧ Айму вӧсна Ыджыд тышын бур уджысь» медаль (рочӧн: Медаль «За доблестный труд в Великой Отечественной войне 1941—1945 гг.») — СССР-ын канмуса награда. Лӧсьӧдӧма 1945 вося лӧддза-номъя тӧлысь 6-ӧд лунӧ СССР-са Вылыс Сӧветлӧн Президиум указӧн. Медальлы серпассӧ дасьтісны серпасалысьяс И.К. Андрианов да Е.М. Романов.

Медыль водзладорыс

Медаль сайыс

Медаль йылысь Положение

Медаль сетӧны:

• рабочӧйяслы, инженерно-техническӧй персоналлы, промышленносьтын да транспортын уджалысьяслы;
• колхозникъяслы да видз-му овмӧсын уджалысьяслы;
• наука, техника, искусство да литература юкӧнъясын уджалысьяслы;
• сӧветскӧй, партияса, профсоюз да мукӧд общественнӧй котырын уджалысьяслы, кодъяс асланыс зіль уджӧн матыстісны Айму вӧсна Ыджыд тышын Вермӧмсӧ.

Медаль новлӧны шуйга морӧсын. Эм кӧ СССР-са мукӧд сикас медаль, ӧшӧдны «Прага мездӧмысь» медаль юӧрын. 1987 вося тӧвшӧр тӧлысь 1-ӧд лун кежлӧ медаль сетӧма кӧнкӧ 16 100 000 мортлы.

Медаль серпасалӧм

Медальыс гӧгрӧс, диаметрыс 32 мм., вӧчӧны ыргӧнысь. Медаль водзладорас серпасалӧма морӧсӧдзыс И. В. Сталин маршал формаын. Вылысас гӧгӧрыс гижӧма: «НАШЕ ДЕЛО ПРАВОЕ», уліас — «МЫ ПОБЕДИЛИ».

Мӧдарас гӧгӧрыс гижӧма — «ЗА ДОБЛЕСТНЫЙ ТРУД», шӧрас — «В ВЕЛИКОЙ ОТЕЧЕСТВЕННОЙ ВОЙНЕ 1941—1945 ГГ.», выліас — чарла да мӧлӧт, уліас — вит йыла кодзув. Став гижӧдсӧ да серпассӧ гӧгрӧсмӧдӧма.

Ӧшмӧсъяс

• Володин А.Н., Мерлай Н.М. Медали СССР. — СПб.: Печатный двор, 1997. — С. 102—103.
• Колесников Г.А., Рожков А.М. Ордена и медали СССР. — Мн.: Народная асвета, 1986. — С. 88—89.
• «СССР-са орденъяс да медальяс» сайт