Втюрина Людмила Зарниевна
| Втюрина Людмила Зарниевна | |
| Чужан лун: |
1964-ӧд вося тӧвшӧр тӧлысь 11-ӧд лун (60 арӧс) |
|---|---|
| Чужанін: | |
| Мыйся уджыс: | |
Олан туй
вежныЗарни Люся чужӧма 1964-ӧд вося тӧвшӧр тӧлысь 11-ӧд лунӧ Коми АССР-ын Изьва районса Кельчиюр сиктын. 1979-ӧд воын помалӧма Кельчиюрса нетыр школа, 1981-ӧд воын — Красноборса шӧр школа. 1985-ӧд воын помалӧма Перымын канмуса культура институтысь библиотека пакультет. 1985-ӧд восянь уджалӧ Сыктывкарын, С.Я. Маршак нима Коми Республикаса челядьлӧн национальнӧй библиотекаын веськӧдлӧма отделӧн.
Гижан удж
вежныЛюдмила Втюриналысь кывбуръяссӧ йӧзӧдлiсны республикаса газет-журналлӧн лист бокъяс вылын, а сiдзжӧ «Сыктывкар», «Был у меня хороший друг», «Собрание разлук», «У камелька», «Kuum ӧӧ» (эст кыв вылын) небӧгъясын.
2006-ӧд воын Зарни Люсялӧн петӧма «Шоныд діяс» медводдза небӧг, 2010-ӧд воын «Народная библиотека» серияын — «Майбыр кад» кывбур ӧктӧд.
Зарни Люся гижӧ рочӧн, комиӧн да изьва кылӧн кывбуръяс да проза. Изьва кылӧн гижӧдъяс петавлісны «Арт» журналлӧн 2012 вося 2-ӧд номерын.[1] Изьва сёрнисикасӧн йӧзӧдӧма «Дзоляньлӧн дзольгӧм» да «Менам шоныд діяс» повесьтъяс.
Челядьлы кывбуръяс петісны «Шоныдін» небӧгын (2018).
2015-ӧд восянь пырӧ Россияса гижысь котырӧ.[2]
Людмила Втюрина дасьтылӧма «Дзолюк» радиопередачалы некымын сценарий, а сідзжӧ коми челядь литератураысь некымын материал. Лӧсьӧдӧма челядь уджъясысь некымын сборник, краеведениеысь да коми литератураысь 60 сайӧ библиотека удж.[3]
Небӧгъяс
вежны- Шоныд діяс: Кывбуръяс / Лӧсьӧдіс В.В. Тимин; Ред. П.И. Симпелев; Серпасаліс Л.Ю. Щербакова. — Сыктывкар: Коми небӧг лэдзанін, 2006. — 48 л.б. (тираж — 500)
- Майбыр кад. — Сыктывкар, 2010.
- Кывбуръяс [Препринт]. — Сыктывкар, 2011.
- Тӧвся ӧшкамӧшка. — Сыктывкар, 2013.
- Олӧмлы ода. Ода жизни. Кывбуръяс. Стихи / Серпасаліс С.Г. Семяшкин. — Сыктывкар: ООО «Изд-во «Кола», 2014. — 224 с.
- Втюрина Л.З. (Зарни Люся). Дзолянлӧн дзольгӧм (Журчание родника): повести и стихотворения. — Сыктывкар: ООО «Коми республиканская типография», 2016. — 192 с. (тираж 300) (изьва сёрнисикасӧн да роч вылӧ вуджӧдӧмӧн)
- Шоныдін. — Сыктывкар, 2018.
Наградаяс
вежныӦшмӧсъяс
вежныЫстӧдъяс
вежны- ↑ Втюрина Л. «Сьӧлэм вылын сэтшем югыд мыляке...» // «Арт» журнал, 2012 во. 2 №.
- ↑ «Комиинформ» сайт (2015.01.23; рочӧн)
- ↑ Морохина В. Коми писательница Людмила Втюрина выпустила сборник стихов для детей «Шоныдiн» («Теплая сторонка») // «Комиинформ» юӧр сетан агентство (2019.01.14 лун; рочӧн)
- ↑ Ряд жителей Коми награждены почетными званиями и грамотами // «Комиинформ» сайт (2015.04.28; рочӧн)