Вулих Наталия Васильевна
Вулих Наталия Васильевна (1915—2012) — филологияса доктор, Иван Куратовлысь гижӧдъяс туялысь. Нывдырся овыс — Морева.
Олан туй
вежныНаталия Вулих чужӧма 1915-ӧд вося сора тӧлысь 7-ӧд лунӧ Вильнюсын (Литва). Батьыс – Василий Иванович Морев – вӧлӧма нималана бурдӧдысьӧн, Военно-медицинскӧй академияын профессорӧн (Ленинград); мамыс — Лидия Ивановна — босьтӧма филология да биология нырвизьяс серти тӧдӧмлунъяс; велӧдӧма Лесотехническӧй академияын немеч кыв.
Наталия велӧдчыны босьтчӧма Ленинградын Анна Шуллен школаын, кӧні велӧдісны немеч кывйӧн. 1938-ӧд воын помалӧма Ленинградса канму педагогика университетлӧн филология факультетысь классическӧй пилология юкӧн. Аспирантураын велӧдчӧма важ римса литература туялысь, профессор И. И. Тронский веськӧдлӧм улын. Аспирантура бӧрын недыр уджалыштӧма шӧр школаын, а сэсся велӧдӧма Ленинградса канму университетлӧн классическӧй филология кафедраын 30 сайӧ во.
1946-ӧд воын дорйӧма филологияса кандидат ним вылӧ диссертация, кодлӧн темаыс йитчӧма Гай Валерий Катулла поэзиякӧд. Гижысь вӧлі медтӧдчанаӧн Цицерон да Цезар кадся важъя Римын. 1976-ӧд воын дорйӧма филологияса доктор ним вылӧ диссертация. Тема — «Мировоззрение и художественный стиль Овидия».
1979-ӧд воын, кор сылӧн кулӧма верӧсыс, физика-математика наукаясса доктор, профессор Борис Захарович Вулих, Наталия Васильевна локтӧма Сыктывкарӧ. Уджалӧма Сыктывкарса канму университетлӧн роч литература кафедраын, велӧдӧма античнӧй литература да мифология, литература история куръяс. 1981-ӧд воын вуджӧма Уква карӧ, кытчӧ корӧма Укваса канму техническӧй университетысь ректор Г. В. Рассохин, коді бура тӧдӧма Б. З. Вулих верӧсыслысь туялӧмъяссӧ; уджалӧма Укваса канму техническӧй университетлӧн суйӧр кывъяс кафедраын.
Кулӧма 2012-ӧд вося сора тӧлысь 14-ӧд лунӧ Уква карын, гуалӧма Петыркарын. [1]
Туялан удж
вежныНаталия Вулих тёнджыкасаӧ тӧдса кыдзи античнӧй литератураысь специалист, римса поэт Публий Овидий Назонлысь гижӧдъяс туялысь. Сійӧ бура тӧдӧма латин, важ грек, немеч да италия кывъяс.
Та кындзи, Н.В. Вулих туявлӧма роч поэтъясӧс да гижысьясӧс.
Н. В. Вулих велӧдӧма 1960-ӧд вояс шӧрын лыддьӧма роч литература историяысь вося курсъяс Диджон университетын (Франция) да Германияын. Туялысь йӧзӧдӧма 200 сайӧ удж.
Вӧлӧма 1972-ӧд воын Констанца карын (Румыния) конгресс вылын, мый котыртӧма «Овидианум» котыр; 1960—1980—ӧд воясын йӧзӧдчӧма Парижын, Бухарестын, Берлинын; 1990-ӧд воясын лыддьӧма докладъяс Майнцын, Гейдельбергын да Тюбингенын университетъясын.[2]
Вулих вӧлӧма «Овидиана» Войтыркостса туялан котырын вице-президентӧн.
Укваса институтын уджалігӧн тӧждысьӧма вылыс техническӧй тӧдӧмлунъяс босьтысьяслысь гуманитарнӧй нырвизь сӧвмӧдӧм йылысь,[3] водзӧ туясьӧма да ветлӧдлӧма конференцияяс вылӧ (Москва, Ленинград, Орел). Туялӧма античнӧй литература, А. А. Блоклысь, И. С. Тургеневлысь, Н. В. Гогольлысь да коми литературалы подув пуктысь И. А. Куратовлысь нижӧдъяссӧ. Та кадӧ жӧ помалӧма Овидий йылысь удж (1996), код йылылсь гижлӧма 1960—1970-ӧд воясын на.[4] «Овидий» уджсӧ авторыс сиӧма аслас велӧдысьяслы – рочьяслы (И. М. Тройскийлы, И. И. Толстойлы, А. Ф. Лосевлы, Я. М. Боровскийлы) да суйӧрсайсалы: В. Пешлилы (Германияса наукаяс академия), М. фон Альбрехтлы (Гейдельберг университет), С. Д’Элиалы (Неаполь университет), К. Куманецомлы (Варшава университет), П. Гримальлы (Францияса наукаяс академия), Р. Вульпелы да А. Конлуракилы (Румынияса нааукаяс академия).
Небӧгъяс
вежны- Вулих Н. В. Овидий. — М.: Молодая гвардия – ЖЗЛ; Соратник, 1996. — 191 с.
- Морева-Вулих Н. В. Римский классицизм: творчество Вергилия, лирика Горация. — СПб.: Академический проект, 2000. — 270 с.
- Морева-Вулих Н.В. Сада Древнего Рима. — СПб.: Академический проект, 2003. — 112 с.
- Вулих Н. В., Чистякова Н. А. История античной литературы. — Ленинград, 1963. — 300 с.
- Ванеев А. Е., Вулих Н. В. Античность в творчестве И.А. Куратова: Доклад на заседании президиума Коми филиала АН СССР, 4 ноября 1986 г. — Сыктывкар: Коми филиал АН СССР, 1986. — 35 с.
- Вулих Н. В. Поэзия добра и света. — Сыктывкар.
Наградаяс
вежныӦшмӧсъяс
вежны- Жеребцова Н. Наталья Вулих — мечта поэта // «Красное знамя» газет, 2010 во. Сора тӧлысь 8-ӧд лун.
- Укваса канму техническӧй университет сайтын Вулих Наталия Васильевна
- Новикова Т., Беляева О. Служение классике / Профессору Наталии Васильевне Вулих исполняется 95 лет // Республика. газет, 2010 во. Сора тӧлысь 6-ӧд лун.
Ыстӧдъяс
вежны- ↑ Она жила высоким искусством
- ↑ Рощевская Л. П., Кучеренко Л. П. Наталия Васильевна Вулих. — Ухта: УГТУ, 2004. — 38 с.
- ↑ Вулих Н. В. Гуманитаризация технического образования (проблемы и трудности) // Повышение качества подготовки специалистов в вузах нефтегазопромыслового профиля. — Ухта: УИИ, 1990. — С. 92—95; Вулих Н. В. Филология как одна из основ высшего образования (иностранный язык) // Управление качеством образовательного процесса в системе многоуровневого образования: Материалы Всероссийской научно-методической конференции. — Ухта: УГТУ, 2002. — С. 62.
- ↑ Вулих Н. В. Овидий и Август // Вестник древней истории. — 1968. — № 1. — С. 151—160; Образ Овидия в творчестве Пушкина // Временник Пушкинской комиссии. 1972 г. — 1974. — С. 66—76; Мировоззрение и художественный стиль Овидия (Поэта «Метаморфозы»). — Л.: ЛГУ, 1977. — 381 с.
- ↑ Постановление главы администрации МО «Город Ухта» от 31.10.2000. № 823 «Об утверждении итогов городского конкурса "Ухтинец века"» URL: http://ipravo.info/komi1/act69/095.htm
- ↑ Жеребцова Н. Наталья Вулих — мечта поэта // «Красное знамя» газет, 2010 во. Сора тӧлысь 8-ӧд лун.