Ермолин Рем Николаевич

Ермолин Рем Николаевич
Чужан лун:	1926-ӧд вося ӧшым тӧлысь 24-ӧд лун(1926-12-24)
Чужанін:	Петыркар, РСФСР[d], Сӧветскӧй Социалистическӧй Республикаяслӧн Союз
Кулан кад:	2004-ӧд вося ода-кора тӧлысь 15-ӧд лун(2004-05-15) (77 арӧс)
Куланін:	Сыктывкар, Рочму
Мыйся уджыс:	художник
Ошканпасъяс да премияяс:

Ермолин Рем Николаевич (1926—2004) — СССР да Россия кадся серпасалысь, РСФСР-са нимйӧза серпасалысь, Коми АССР-са нимйӧза серпасалысь, вӧр-ва серпасалысь.

Олан туй

Рем Ермолин чужӧма Ленинградын 1926-ӧд вося ӧшым тӧлысь 24-ӧд лунӧ. Велӧдчӧма Ленинградса художественно-графическӧй педагогика училишӧын (1947—1951) да Репин нима Ленинградса живопись, скульптура да архитектура институтын (1954—1960) В. М. Орешниковлӧн живопись факультетын.

СССР-са серпасалысь котырын 1962-ӧд восянь. Велӧдчӧм бӧрын олӧма да уджалӧма Коми АССР-ын. Вӧлӧма СССР-са серпасалысь котырлӧн Коми республикаса юкӧнын веськӧдлысьӧс вежысьӧн да веськӧдлысьӧн (1970—1986).

Кулӧма 2004-ӧд вося ода-кора тӧлысь 15-ӧд лунӧ.

Серпасасьӧм

Уджалӧма уна жанрын, но медшӧрыс — темаа серпасъяс да портретъяс. Уна серпасалӧма Коми муысь йӧзӧс, уджалӧмсӧ, войвывса вӧр-васӧ. Сылысь бура тӧдӧны Чилимдінлы сиӧм серпас чукӧр, мыйысь 1972-ӧд воын сылы сетӧма Коми АССР-са канму премия. 1975-ӧд воын «Чилимдінса гӧрка» уджысь сылы вичмӧма СССР-са художествоа академиялӧн Диплом.

Серпасалӧма Коми лыжникъясӧс (1977), В. В. Поляковлысь (1967), коми гижысьяс И. А. Куратовлысь (1977), И. Г. Тороповлысь (1986), шылад тэчысь А. Г. Осиповлысь (1968), портретъяс и с.в. Асьсӧ серпасалӧма некымынысь.

1957-ӧд восянь пырӧдчӧма Коми республикаса художествов выставкаясӧ; «Советский Север» выставкаясӧ; Москваын котыртӧм выставкаясӧ: «Советская Россия» (1967—1985), ставсоюзсаясӧ (1961—1985), РСФСР-са асвеськӧдлан республикаясысь серпасалысьяслӧн выставкаӧ (1971), «По родной стране» (1972, 1983), «СССР — наша родина» (1972) да мукӧд.

Асшӧр выставка вӧлӧмаӧсь 1976-ӧд воын — Москваын; 1986 воын — Ленинградын да Москваын; 1987, 1992, 1996 воясын — Сыктывкарын; суйӧр сайын: 1972 воын – ГДР-ын, Польшаын, Чехословакияын да Румынияын; 1976—1985 воясын — Болгарияын.

Ошканпасъяс

• РСФСР-са нимйӧза серпасалысь (1985)
• Коми АССР-са нимйӧза серпасалысь (1980)
• Коми АССР-са канму премия босьтысь (1972)

Ӧшмӧсъяс

• Республика Коми: Энциклопедия: в 3-х т. — Сыктывкар, 1997. Т. 1. — С. 426.
• Поповцева Э. К. Изобразительное искусство Республики Коми. 1943—2000. — Сыктывкар, 2011.
• Краевидение сайт