Ивкучева Галина Николаевна
| Ивкучева Галина Николаевна |
Олан туй
вежныГалина Ивкучева чужӧма Удора районса Ёвкӧдж сиктувса Копты грездын 1954-ӧд вося сора тӧлысь 18-ӧд лунӧ. Помалӧма Важгортса шӧр школа (1972), Сыктывкарса культпросветучилишӧ (уджысь орӧдчытӧг), 2 №-а Сыктывкарса педучилишӧысь школаӧдзса юкӧн. Уджавлӧма челядь видзанінын кагульничаӧн да веськӧдлысьӧн. Кӧкъямыс во уджалӧма культура юкӧнын: вӧлӧма Путшкымдінса культура керкаын директорӧн, культоргӧн да художествоа веськӧдлысьӧн.
Гижан удж
вежныГижны босьтчӧма важӧн нин, но йӧзӧдчӧ 2018-ӧд восянь. Гижӧ кывбуръяс да висьтъяс. Ёнджыка артмӧны серамбана висьтъяс. Аслас кывбуръяслы дасьтӧ шылад.
Гижӧдъясыс петавлісны «Эзысь ёльяс» да «Шондіа му» чукӧръясын, «Выль туйӧд» да «Коми му» газетъясын, «Чушканзі», «Йӧлӧга» да «Войвыв кодзув» журналъясын, «Рифмоград» роч сборникын.
Йӧзӧдӧма некымын небӧг: «Олам на…» (2020), «Борд пӧла каля» (2022) да «Бара на нюмъёвтліс сьӧлӧм» (2022). Ачыс рочӧдӧ висьтъяссӧ да йӧзӧдӧ. Роч кывйӧн петавлӧма «Такая разная жизнь» висьт чукӧр (2023).
Небӧгъяс
вежныКомиӧн:
вежны- Ивкучева Г. Н. «Олам на…» (2020.
- Ивкучева Г. Н. Борд пӧла каля: висьтъяс. 2022
- Ивкучева Г. Н. Бара на нюмъёвтліс сьӧлӧм: сборник рассказов. — М.: Издатель - Колганов Евгений Сергеевич, 2022. — 60 с.